ان کی نسبت سے مجھے سار اجہاں جانتا ہے ۔ علی رضا

شاعر: علی رضا

برائے : نعت رنگ ۔ شمارہ نمبر 26

نعتِ رسولِ آخر صلی اللہ علیہ وآلہ وسلم

اُن کی نسبت سے مجھے سار اجہاں جانتا ہے

ورنہ میں کیا ہوں مجھے کوئی کہاں جانتا ہے

آپ کے ذکرنے کس طور نوازا ہے مجھے

یہ تو سرکار مراقلبِ تپاں جانتا ہے

شوقِ دیدار میں ہوتی ہیں جو سطریں تخلیق

سُننے والا انہیں اعجازِ بیاں جانتا ہے

ہو عطا اب تو مجھے لطف و کرم کی دولت

آپ کی یاد کو دل راحتِ جاں جانتا ہے

چار دن جس کو زیارت کے میسّر آجائیں

سبز گنبد کا ، وہ پُرکیف سماں جانتا ہے

دُور طیبہ سے مہ و سال بِتَانے والا

سر بسر عمر کو اک عہدِ زیاں جانتا ہے

میری کیفیتیں پنہاں تو نہیں اُس سے رضاؔ

میرا آقا مری ہر آہ و فغاں جانتا ہے

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی