کو ثر نیازی

نعتِ رسولِ آخر صلی اللہ علیہ وآلہ وسلم

آدمیت کی علامت ہے دلائے مصطفی ﷺ

مصطفی دل کیلئے ہے دل برائے مصطفی ﷺ

ہے رضائے مصطفی میں رب کعبہ کی رضا

رب کعبہ کی رضا میں ہے رضائے مصطفی ﷺ

کچھ نہیں معلوم کیا ہے قصہ ذاب و صفات

تجھ پہ ہم ایمان لائے اے خدائے مصطفی ﷺ

شکل انسانی میں قرآن مجسم آپ ہیں

شرح فرمان خدا ہے ہر ادائے مصطفی ﷺ

آرزو دل میں یہ رکھتا ہوں خدا پوری کرے

جب مروں کوثر زباں پر ہو ثنائے مصطفی ﷺ