زندگی جو گزارو گے سیرت کے ساتھ
No revision has been approved for this page. تازہ ترین نسخہ دیکھیں۔
شاعر: مشاہد رضوی
نعتِ رسولِ آخر صلی اللہ علیہ وآلہ وسلم
زندگی جو گزارو گے سیرت کے ساتھ
پیش آئے گا ہر کوئی عزت کے ساتھ
تم کو بخشے گا مولیٰ عروج و کمال
نعت لکھتے رہو تم عقیدت کے ساتھ
با ادب ان پہ بھیجو دُرود و سلام
ہر نفس ہر گھڑی خوب کثرت کے ساتھ
دیکھ لیں گے سبھی مصطفیٰ کا مقام
جب وہ آئیں گے محشر میں شوکت کے ساتھ
ظلم کے بدلے میں دشمنِ جاں کو بھی
دیں دعائیں ہدایت کی رحمت کے ساتھ
وقتِ آخر مدینے کا رمضان ہو
ہے یہی التجا میری حسرت کے ساتھ
ہو مشاہدؔ پہ کچھ ایسا لطف و کرم
قبر سے یہ اٹھے ان کی مدحت کے ساتھ
۳؍ رمضان المبارک 1443ھ/5 ؍اپریل 2022ء بروز منگل
پچھلا کلام
رسولِ اکرم نے کل زمانے کو زندگی کا شعور بخشا