تبادلۂ خیال:فیصل قادری گنوری
درود ان پہ جو نبیوں کے تاجدار ہوئے
سلام ان پہ جو محبوبِ کردگار ہوئے
درود ان پہ جو ہیں محسنوں کے بھی محسن
سلام ان پہ جو سب کے ہی غمگسار ہوئے
درود ان پہ جنہیں شرفِ دید بخشا ہے
سلام ان پہ جو قدرت کے رازدار ہوئے
درود ان پہ جنہیں عرش پر بلایا گیا
سلام ان پہ جو صد رشکِ افتخار ہوئے
درود ان پہ جو امت کے واسطے روئے
سلام ان پہ جو رہ رہ کے اشک بار ہوئے
درود ان پہ جنہیں ہے خیال امت کا
سلام ان پہ جو امت کو بے قرار ہوئے
درود ان پہ جنہیں رب نے عظمتیں بخشیں
سلام ان پہ جو قدرت کے شاہ کار ہوئے
درود ان پہ جو سہ کر ستم دعائیں دیں
سلام ان پہ جو اعلی و ذی وقار ہوئے
درود ان پہ جو فیصل ہیں فخرِ کوں و مکاں
سلام ان پہ جو محصولِ اختیار ہوئے