مندرجات کا رخ کریں

بابِ کرم کے سامنے اِظہار دم بخُود

نعت کائنات سے
No revision has been approved for this page. تازہ ترین نسخہ دیکھیں۔



بابِ کرم کے سامنے اِظہار دم بخُود

پُورا وجودِ نُطق ہے سرکار دم بخُود


عجزِ تمام سے نہیں ممکن ثنا تری

پھر کیوں نہ ہُوں مَیں صورتِ دیوار دم بخُود


اِک رتجگے کی صورتِ مُبہَم ہے رُو برُو

خواہش بہ دید دیدۂ بیدار دم بخُود


اے حاصلِ طلب ترے آنے کی دیر ہے

دل کی ہے کب سے حسرتِ دیدار دم بخُود


تُو اذن دے تو تشنہ لبی خیر پا سکے

کاسہ بہ کف ہیں سارے طلبگار دم بخُود


توبہ نصیب لوگوں کا ہے تجھ سے واسطہ

تیری رضا طلب ہیں گنہ گار دم بخُود


مقؔصود اُن کی یاد کے بادل برس پڑے

تھے دشتِ دل کے سارے ہی اشجار دم بخُود