ادارہ محفلِ نعت پاکستان، حسن ابدال
محفل نعت پاکستان اسلام آباد کے نعتیہ ادب کے فروغ کے سلسلے کو آگے بڑھاتے ہوئے ماہ (25 دسمبر 2016) مرکزی تنظیم کے طریق کار اور اصولوں کو اپناتے ہوئے حسن ابدال کے شہر میں محفل نعت کی شاخ کا قیام محفلِ نعت پاکستان ، حسن ابدال کے نام سے عمل میں لایا گیا اور اس کی افتتاحی نشست کا شاندار انعقاد کیا گیا ۔
دسمبر 2016ءیعنی ماہ ربیع الاول (25 ربیع الاول 1438 ھجری) کے مبارک دن حسن ابدال جو کہ واہ کینٹ اور ہری پور کے درمیان ایک چھوٹا شہر یا قصبہ ہے اور جس کی شہرت آج تک زیادہ تر پنجہ صاحب (سکھ مذہب کا ایک متبرک مقام) کے حوالے سے ہے، سے تعلق رکھنے والے ڈاکٹر ملک ڈاکٹر ملک ذوالفقار علی دانش کی میزبانی میں محفل نعت حسن ابدال کی افتتاحی نشست منعقد ہوئی جس کی صدارت مرکزی تنظیم کے صدر ڈاکٹر احسان اکبرنے کی ، جبکہ نقابت و نظامت کے فرائض مرکزی سیکریٹری عرش ہاشمی نے انجام دئے۔ اس افتتاحی تقریب میں ڈاکٹر ذوالفقار ملک نے مرکزی تنظیم کے تمام تر اصولوں اور قوائد و ضوابط کے مطابق ماہانہ نعتیہ مشاعروں کے انعقاد کرانے کا اعلان کیا۔ اس تقریب میں جو کہ ملک گیر ادبی تنظیم ، چوپال ، کے نعت فورم کے تعاون سے سجائی گئی تھی ، محفل نعت حسن ابدال کے زیر اہتمام پہلے ماہانہ و سالانہ نعتیہ مشاعرے کا انعقاد کیا گیا ۔ اور دور و نزدیک سے قریباً 28 شعراء کی شرکت کے ساتھ اس مبارک محفل کی ابتدا کی گئی ۔
