اشرف یوسفی

اشرف یوسفی فیصل آباد کے اہم شاعر ہیں اور بہت عمدہ نعت کہتے ہیں

نعت رسول کریم صلی اللہ علیہ و آلہ وسلم

پیکر ِ کشف و کرامات لکھوں نعت لکھوں

حاصل ِ ارض و سما وات لکھوں نعت لکھوں

شجرۃ الکون ہے تو تجھ سے ہے عالم کا ظہور

پھل لکھوں پیڑھ لکھوں پات لکھوں نعت لکھوں

جس جگہ طائر ِ ادراک کے پر جلتے ہیں

اس سے آگے کی میں کیا بات لکھوں نعت لکھوں

چہرہ والشمس جبیں ماہ ِ مبیں ہے تیری

چشم و لب کوترے آیات لکھوں نعت لکھوں

حرف نکلے ہیں قلم سے کہ ستارے نکلے

شعر کو نور کی سوغات لکھوں نعت لکھوں

فہرست