میرے آقا کے جو دامان میں آ جاتے ہیں

شاعر: عمر علی شاہ

نعتِ رسولِ آخر صلی اللہ علیہ وآلہ وسلم

میرے آقا کے جو دامان میں آ جاتے ہیں

لوگ وہ رحمتِ رحمان میں آ جاتے ہیں

کیسے اوصاف رقم خاک نشیں سے ہونگے

سب شمائل ترے قرآن میں آ جاتے ہیں

حرف ناموس پہ آقا کے کبھی آ جائے

ہم سے کمزور بھی میدان میں آ جاتے ہیں

نعت لکھنے کو قلم جب بھی اٹھاتا ہوں میں

لفظ خود نعت کے عنوان میں آ جاتے ہیں

شاعری نعت سے ہوتی ہے معطر میری

"لفظ الہام کے دیوان میں آ جاتے ہیں"

جو مراتب کو ترے پیشِ نظر رکھتے ہیں

وہ خداوند کے فیضان میں آ جاتے ہیں

دل تڑپتا ہے عمر کاش بلائیں آقا

اشک غم سے مرے مژگان میں آ جاتے ہیں