حمایت علی شاعر
حمایت علی شاعر 14 جولائی 1926 کو اورنگ آباد میں پیدا ہوئے
صبیح رحمانی ، نعت رنگ کے شمارہ نمبر 29 کے ادارے میں لکھتے ہیں
حمایت علی شاعر کی شہرت اور ناموری کے کئی دائرے تھے جن میں سب سے نمایاں دائرہ شاعری کا تھا۔ انھوں نے زندگی اور ادب و فن کے مختلف شعبوں میں جم کر کام کیا۔ تدریس، صحافت، ادارت، ڈراما، ریڈیو، ٹیلی ویژن اور فلم کے علاوہ تنقید و تحقیق اور تخلیق میں ان کی فعالیت کے کئی روشن نقوش اپنے عہد کی تاریخ کے اوراق میں ان کا حوالہ رہیں گے۔
’’آگ میں پھول‘‘، ’’مٹی کا قرض‘‘، ’’تشنگی کا سفر‘‘ اور ’’ہارون کی آواز‘‘ ان کے مطبوعہ شعری مجموعے ہیں جبکہ ان کی منظوم سوانح عمری جسے انھوں نے مثنوی کی ہیئت میں لکھا ’’آئینہ در آئینہ‘‘ کے نام سے شائع ہو چکی ہے۔ دو نثری کتابیں ’’شیخ ایاز‘‘ اور ’’شخص و عکس‘‘ میں بھی ان کے تنقیدی افکار مطبوعہ صورت میں محفوظ ہوچکے ہیں۔ اس کے علاوہ انھوں نے ریڈیو اور ٹیلی ویژن کے لیے جو تحقیقی پروگرام پیش کیے اور جس طرح خود ان کے لیے تحقیق و جستجو کے دشوار مراحل سے گزرے وہ ان کے عزم اور جذبہ و لگن کو ظاہر کرتے ہیں۔ شاعر صاحب کی شخصیت اور کارناموں کے سرسری ذکر کے لیے بھی کئی صفحات درکار ہیں لیکن میں اس وقت ان کے سارے علمی سرمائے میں اپنے قارئین کی توجہ ان کے ان نعتیہ تذکروں کی جانب مبذول کروانا چاہتا ہوں جو اپنی ایک منفرد افادیت رکھتے ہیں۔ شعبہ اُردو سندھ یونی ورسٹی نے اپنے مجلے ’’صریرِ خامہ‘‘ کا ایک خصوصی نعت نمبر ۱۹۷۸ء میں پیش کیا۔ اس اہم اور تاریخی نمبر کے مرتب حمایت علی شاعر تھے۔ اس نمبر میں جہاں سندھ یونی ورسٹی کے نامور ادیب و محقق اساتذہ کے مضامین شائع ہوئے وہیں حمایت علی شاعر نے بھی ’’اُردو میں نعتیہ شاعری کے سات سو سال‘‘ کے عنوان سے ایک اہم تذکرہ مرتب کیا جو نعتیہ مطالعات میں ایک ’’جہت نما‘‘ حیثیت سے سامنے آیا۔ اس میں کلام کا انتخاب شعرا کے کوائف اور مختصر تعارف کے علاوہ قدیم اُردو شعرا کی شاعری میں مشکل الفاظ کے معنی بھی درج ہوئے، جس سے تذکرہ نگار کی اُردو کی کلاسیکی شاعری پر گہری نظر اور لفظیات کی معرفت کا اندازہ ہوتا ہے۔
نعتیہ کلام
وفات
وہ 15 جولائی 2019 کو ٹورانٹو ، کینیڈا میں وفات پا گئے
مزید دیکھیے
آرزو لکھنوی | ابن صفی | پروین شاکر | ثروت حسین | جمیل الدین عالی | جون ایلیا | حفیظ ہوشیار پوری | حمایت علی شاعر | رسا چغتائی | رئیس امروہوی | شان الحق حقی | عزم بہزاد | عقیل عباس جعفری | عنبرین حسیب عنبر | فرمان فتح پوری | کاشف حسین غائر | لیاقت علی عاصم | محسن بھوپالی | نصیر ترابی
