نفسی نفسی شور میں آئے صدائے اُمتی ۔ گوہر رحمٰن
نعت کائنات سے
نظرثانی بتاریخ 14:18، 18 مارچ 2018ء از SOHAIL SHEHZAD (تبادلۂ خیال | شراکتیں) (نیا صفحہ: ==={{نعت }} === نفسی نفسی شور میں آئے صدائے اُمتی مانگتے کچھ بھی نہیں بخشش سوائے اُمتی سر کو سجدے سے ا...)
نعتِ رسولِ آخر صلی اللہ علیہ وآلہ وسلم
نفسی نفسی شور میں آئے صدائے اُمتی
مانگتے کچھ بھی نہیں بخشش سوائے اُمتی
سر کو سجدے سے اٹھائے گا نہیں محبوب رب
جب کہ وہ آخیر تک جنت نہ پائے اُمتی
اس قدر غمخوار کوئی بھی نبی دیکھا نہیں
جس قدر طیبہ کے والی ہیں برائے اُمتی
دین محکم چھوڑ کر دار ِ فنا سے چل دیے
اب ضرورت ہے کہ یہ بیڑا اٹھائے اُمتی
جو محمدﷺ نے سکھائے ہیں گہر اعمال سب
یہ وطیرہ روزمرہ بھی بنائے اُمتی
