کلام حق کی وضاحت حدیث ختم رسل ۔ راسخ عرفانی

شاعر : راسخ عرفانی

نعتِ رسولِ آخر صلی اللہ علیہ وآلہ وسلم

کلام حق کی وضاحت حدیث ختم رسل ؐ!

چراغِ راہِ شریعت حدیث ختم رسلؐ!

حسین طرز تکلم ،دھنک دھنک جملے

عروج رنگ فصاحت حدیث ختم رسل ؐ!

حبیب رب جہاں کا کلام جاں پرور

زبان پاک کی نکہت حدیث ختم رسل ؐ!

ہجوم دولت وزر میں قناعتوں کا بھرم

حروف فقر کی عظمت حدیث ختم رسل ؐ!

عداوتوں کے خرنگوں کے زخم کا تریاق

پیام صلح واخوت حدیث ختم رسل ؐ!

ہوائے جنت طیبہ ،شمیم خلد حرم

بہار گلشن امت حدیث ختم رسل ؐ!

جہان ِ کذب کی تیرہ فضا میں ہے راسخ

فروغ شمع حقیقت حدیث ختم رسل ؐ!

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی