المدثر ۔ حمیدہ شاہین

شاعرہ: حمیدہ شاہین

نعتِ رسولِ آخر صلی اللہ علیہ وآلہ وسلم

اپنےکمبل کی آسودگی بخش نرماہٹوں کے تلے

دھیان کی اوٹ میں ٹمٹماتا ہوا پر سکوں آدمی .....

یک بیک سرخ شعلے کی صورت سر افراز ہونے لگا

ذرّۂِ منہمک پر اترنے لگیں

نور سے وصل کی ضو فشاں ساعتیں

اپنی ہی لوَ سے حیران

اپنی بھڑک سے ہراساں، وہ اٹھاّ ...

نکل آیا ا س بے کراں ،جاودا ں پل کی آغوش سے

کپکپاتا ہوا ۔۔۔۔۔۔۔۔ چار سوُ دیکھتا .....

اس نے دیکھا، وہاں ہر طرف ریت ہے

ہر طرف دھوپ ہے

کوئ سایہ نہیں، کوئ چشمہ نہیں

دور تک کوئ نخلِ ثمر بار،کوئ گلستاں نہیں

پھر اسے سایہ کرنا سکھایا گیا

ریت میں پھول کیسے کھلیں گے ،اسے یہ بتایاگیا

اور اُس کے ذریعے.....

زمانے کی تشنہ لبی کو مٹایاگیا

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی