رخ خدا کے سامنے دل مصطفیٰ کے سامنے

شاعر :عالم نظامی

شاعر :افضل الہ آبادی

نعتِ رسولِ آخر صلی اللہ علیہ وآلہ وسلم

کسی بھی شخص کی یہ آن بان تھوڑی ہے

رسولِ پاک سا کوئی مہان تھوڑی ہے

یہ جان جان دوعالم کی جاں کا ہے صدقہ

ہمارے جسم میں ایسے ہی جان تھوڑی ہے

نبی کے ذکر کی خوشبو کا ہے کرشمہ یہ

ہمارے منھ میں کوئی زعفران تھوڑی ہے

قمر کا چہرہء انور فقط ہے اک نقطہ

نبی کے حسن کی یہ داستان تھوڑی ہے

یہاں کے چاند ستارے کبھی نہیں بجھتے

در رسول ہے یہ آسمان تھوڑی ہے

نہ کر سکیں گے ادا مدحت رسول کا حق

ہمارے منھ میں خدا کی زبان تھوڑی ہے

خدا کے بعد زمانے میں اس خدائی پر

نبی کے جیسا کوئی مہربان تھوڑی ہے

یقین کیجئے نیزے پہ چڑھ کے بولے گا

علی کا خون ہے یہ بے زبان تھوڑی ہے

نبی کے گھر کا ہے ہر فرد محترم افضل

جہاں میں ایسا کوئی خاندان تھوڑی ہے

رخ خدا کے سامنے دل مصطفیٰ کے سامنے

حشر میں یوں پیش ہونگے ہم خدا کے سامنے

عرش اعظم ہر قدم جس کی قدم بوسی کرے

ہر بلندی خاک اس کی گرد پا کے سامنے

دیکھتے ہی چہرئہ انور قدم پر گر پڑے

جب عمر تشریف لائے مصطفیٰ کے سامنے

جس میں شامل ہو وسیلہ احمد مختار کا

کیا دوا کی حیثیت ہے اس دعا کے سامنے

حسن یوسف حسن جنت اور یہ حسن جہاں

کس کو رکھیں ہم جمال مصطفیٰ کے سامنے

ان کے در سے سرفرازی کی سند جب سے ملی

میں دیا عالم جلاتا ہوں ہوا کے سامنے