نور، خوشبو، حسن اور رحمت کو جب یکجا کیا - احمد وصال

شاعر : احمد وصال

نعت ِ رسول ِ کریم صلی اللہ علیہ وآلہ وسلم

نور، خوشبو، حسن اور رحمت کو جب یکجا کیا

خالقِ کون و مکاں نے آپؐ کو پیدا کیا

میرے ہونٹوں پر نہ کیوں صلِ علا کا ورد ہو

بو جہل کے ہاتھ میں پتھر کو جب گویا کیا

رَحمَتُ الِلعالَمِیں بھیجا بنا کر آپ کو

وہ جو خود یکتا ہے اس نے آپؐ کو یکتا کیا

مٹ گئیں سب ظُلمتیں، پھیلی ضیاء اسلام کی

آپؐ کے حسنِ خُلق نے دنیا میں جب جلوہ کیا

دی اِمامَت سب رُسل کی مَسجدِ اَلقدس میں

انبیاء میں سب سے اَرفع آپؐ کا رتبہ کیا

ذہن کے جتنے دریچے بند اک مدت سے تھے

شافعِ محشر کی مدحت نے ہے سب کو وا کیا

اطمینانِ دل کو بس یہ بات کافی ہے وصال

مجھ کو آپ کا اُمتی اے صاحبِ اسری کیا

تازہ انتخاب

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی