https://naatkainaat.org/index.php?action=history&feed=atom&title=%D8%B2%D9%85%D8%B1%DB%81%3A%D9%BE%DB%8C%D9%86%DA%88%D9%86%DA%AF_%D9%86%D8%B9%D8%AA%DB%8C%DA%BA 2026-07-22T06:50:50Z ویکی پر اِس صفحہ کا تاریخچۂ نظرثانی MediaWiki 1.40.4 https://naatkainaat.org/index.php?title=%D8%B2%D9%85%D8%B1%DB%81:%D9%BE%DB%8C%D9%86%DA%88%D9%86%DA%AF_%D9%86%D8%B9%D8%AA%DB%8C%DA%BA&diff=22055&oldid=prev 2018-06-04T07:51:50Z

<p>نیا صفحہ: __HIDDENCAT__ نعت نعت ---------- کیا خوب ترے ذِکر سے الحاق ہُوا ہے پُر نُور ہر اِک گو شہء آفاق ہُوا ہے آنکھوں...</p> <p><b>نیا صفحہ</b></p><div>__HIDDENCAT__<br /> <br /> نعت<br /> <br /> نعت<br /> ----------<br /> کیا خوب ترے ذِکر سے الحاق ہُوا ہے<br /> پُر نُور ہر اِک گو شہء آفاق ہُوا ہے<br /> آنکھوں سے جو دل میں اُتر آیا ہے وہ روضہ<br /> راحت کا امیں سینہء عُشاق ہُوا ہے<br /> اِک ذات، کہ ہر رنج میں ٹھہری ہے تسلی<br /> اِک نام، کہ ہر زہر کا تریاق ہُوا ہے<br /> ہر خُوبیء کردار ہُوئی جس پہ مکمل<br /> حاصل وہ تجھے جوہرِ اخلاق ہُوا ہے<br /> کرنے کے لیے زیست، ترا اسوہء کامل<br /> تفویض ہمیں صورتِ اسباق ہُوا ہے<br /> خود صاف ہُوئی نامہء اعمال کی کالک<br /> جب صلِ علٰی زینتِ اوراق ہُوا ہے<br /> اُمت کو کرے گا نہ سرِ حشر وہ رسوا<br /> مطلوب سے طالب کا یہ میثاق ہُوا ہے<br /> کس شانِ تلطف سے، کس اندازِ کرم سے<br /> اللہ تری دید کا مشتاق ہُوا ہے<br /> تقسیم ہُوئیں حشر میں اسنادِ شفاعت<br /> صد شُکر، کہ عارفؔ پہ بھی اطلاق ہُوا ہے<br /> (محمد عارفؔ قادری)<br /> <br /> نعت<br /> --------------<br /> جو پھیلی جہاں در جہاں روشنی ہے<br /> بفیضِ شہِ انس و جاں روشنی ہے<br /> بمدح و ثنائے ضیائے رسالت<br /> دہن روشنی ہے، زباں روشنی ہے<br /> شہنشاہِ لولاک ہی کے کرم سے<br /> مکاں روشنی، لامکاں روشنی ہے<br /> بہ تاثیرِ تنویرِ اسمِ محمد<br /> موءذن کے لب پر اذاں روشنی ہے<br /> نہیں ہر کسی کا نسب ایسا روشن<br /> مِرے شاہ کا خانداں روشنی ہے<br /> ہے اُس آستاں کی فضا ہی نرالی<br /> زمیں روشنی، آسماں روشنی ہے<br /> کہیں ان کی محفل میں تم بیٹھ جاؤ<br /> یہان روشنی ہے، وہاں روشنی ہے<br /> ذرا چل کے دیکھو تو ان کی گلی میں<br /> رواں روشنی ہے، دواں روشنی ہے<br /> مبارک تجھے اے ثنا گو کہ تیرا<br /> قلم روشنی ہے، بیاں روشنی ہے<br /> عیاں ہے جبینِ دو عالم پہ عارفؔ<br /> جو گنبد کے اندر نہاں روشنی ہے<br /> (محمد عارفؔ قادری)</div>

ADMIN