http://naatkainaat.org/index.php?action=history&feed=atom&title=%D8%B1%D8%AD%D9%85%D8%AA%D9%90_%D8%BA%D9%81%D8%A7%D8%B1_%DA%A9%DB%8C_%D8%A8%D8%A7%D8%AA%DB%8C%DA%BA_%DA%A9%D8%B1%DB%8C%DA%BA_%28%D8%B3%DB%8C%D9%91%D8%AF_%D8%B3%D9%84%DB%8C%D9%85_%DA%AF%DB%8C%D9%84%D8%A7%D9%86%DB%8C%29 2026-05-04T06:54:23Z ویکی پر اِس صفحہ کا تاریخچۂ نظرثانی MediaWiki 1.40.4 http://naatkainaat.org/index.php?title=%D8%B1%D8%AD%D9%85%D8%AA%D9%90_%D8%BA%D9%81%D8%A7%D8%B1_%DA%A9%DB%8C_%D8%A8%D8%A7%D8%AA%DB%8C%DA%BA_%DA%A9%D8%B1%DB%8C%DA%BA_(%D8%B3%DB%8C%D9%91%D8%AF_%D8%B3%D9%84%DB%8C%D9%85_%DA%AF%DB%8C%D9%84%D8%A7%D9%86%DB%8C)&diff=3460&oldid=prev 2017-01-27T11:18:47Z

<p>نیا صفحہ: رحمتِ غفار کی باتیں کریں احمد مختار کی باتیں کریں کاشفِ اسرار کی باتیں کریں سیدِ ابرار کی باتیں...</p> <p><b>نیا صفحہ</b></p><div><br /> رحمتِ غفار کی باتیں کریں<br /> <br /> احمد مختار کی باتیں کریں<br /> <br /> <br /> کاشفِ اسرار کی باتیں کریں<br /> <br /> سیدِ ابرار کی باتیں کریں<br /> <br /> <br /> خوبیِ گفتار کی باتیں کریں<br /> <br /> شوخیِ رفتار کی باتیں کریں<br /> <br /> <br /> مل گیا ہے پھر ہمیں اذنِ ثنا<br /> <br /> طالعِ بیدار کی باتیں کریں<br /> <br /> <br /> اُمِّ معبد کی زباں سے آج ہم<br /> <br /> لذتِ دیدار کی باتیں کریں<br /> <br /> <br /> اس قدِ رعنا کے افسانے سنائیں<br /> <br /> زلفِ عنبر یار کی باتیں کریں<br /> <br /> <br /> جس سے پائی ہے گلوں نے تازگی<br /> <br /> اس گلِ رخسار کی باتیں کریں<br /> <br /> <br /> مشک و عنبر سے وہ خوشبوئے بدن<br /> <br /> آہوئے تارتار کی باتیں کریں<br /> <br /> <br /> سرمگیں آنکھوں کی تفسیریں سنائیں<br /> <br /> نرگسِ بیدار کی باتیں کریں<br /> <br /> <br /> پھر بیانِ سیرِ ہفت افلاک ہو<br /> <br /> برقِ پا رہوار کی باتیں کریں<br /> <br /> <br /> فیض سے جن کے جہاں روشن ہُوا<br /> <br /> پھر انہی افکار کی باتیں کریں<br /> <br /> <br /> رحمتِ عالم شفیعِ بیکساں<br /> <br /> مونس و غمخوار کی باتیں کریں<br /> <br /> <br /> وہ نبی ہیں اور وہ اصحابِ کرم<br /> <br /> محفلِ انوار کی باتیں کریں<br /> <br /> <br /> سلسلہ در سلسلہ لطف و عطا<br /> <br /> ابرِ گوہربار کی باتیں کریں<br /> <br /> <br /> فرشِ مسجد پر ستاروں کا ہجوم<br /> <br /> شوکتِ دربار کی باتیں کریں<br /> <br /> <br /> نور کے اک دائرے کا ذکر ہو<br /> <br /> نقطہِ پرکار کی باتیں کریں<br /> <br /> <br /> افضل الخلق بعد الانبیا<br /> <br /> صدقِ یارِ غار کی باتیں کریں<br /> <br /> <br /> مانگ کر جس کو لیا اللہ سے<br /> <br /> دیں کے اس معمار کی باتیں کریں<br /> <br /> <br /> اس کا تقوٰی، اس کا علم اس کا عمل<br /> <br /> عدل کے معیار کی باتیں کریں<br /> <br /> <br /> آؤ ذوالنورین کی نسبت سے آج<br /> <br /> طاعت و ایثار کی باتیں کریں<br /> <br /> <br /> علم کے بابِ عطا کا ہو بیاں<br /> <br /> حیدرِ کرار کی باتیں کریں<br /> <br /> <br /> حضرتِ حمزہ کا ذکرِ خیر ہو<br /> <br /> بدر کے جرار کی باتیں کریں<br /> <br /> <br /> کفر کی یلغار کے قصے کہیں<br /> <br /> ہاشمی تلوار کی باتیں کریں<br /> <br /> <br /> وہ علمدارِ احد، ابنِ عمیر<br /> <br /> اس شبیہِ یار کی باتیں کریں<br /> <br /> <br /> بلبلِ بستانِ پیغمبر، بلال<br /> <br /> خادم سرکار کی باتیں کریں<br /> <br /> <br /> مجتہد، حضرت معاذ ابنِ جبل<br /> <br /> صاحبِ کردار کی باتیں کریں<br /> <br /> <br /> کشتہِ سوزِ درونِ آگہی<br /> <br /> بوذرِ سرشار کی باتیں کریں<br /> <br /> <br /> جانِ استغنا، صہیب ابنِ سناں<br /> <br /> صبر کے مینار کی باتیں کریں<br /> <br /> <br /> پھر ابو جندل کی زنجیریں سنیں<br /> <br /> پھر اسی جھنکار کی باتیں کریں<br /> <br /> <br /> شعبِ بو طالب میں جو گزری کہیں<br /> <br /> جذبہِ احرار کی باتیں کریں<br /> <br /> <br /> ذکرِ زید ابنِ زثنّہ ہو یہاں<br /> <br /> امتحانِ دار کی باتیں کریں<br /> <br /> <br /> جاں نثارِ دیں، خبیب ابنِ عدی<br /> <br /> عزم کے کہسار کی باتیں کریں<br /> <br /> <br /> قیس بن عاصم کا چھیڑیں تذکرہ<br /> <br /> ارقمِ دیں دار کی باتیں کریں<br /> <br /> <br /> پھر ضمامِ نجد کے عنوان سے<br /> <br /> جراتِ اظہار کی باتیں کریں<br /> <br /> <br /> صاحبِ تسلیم، عمر ابنِ جموح<br /> <br /> سید الانصار کی باتیں کریں<br /> <br /> <br /> حضرت سلمان، توقیرِ عجم<br /> <br /> قلزمِ زخّار کی باتیں کریں<br /> <br /> <br /> جَآءَہُ الاَعمٰی کے پس منظر میں آج<br /> <br /> دیدہِ بیدار کی باتیں کریں<br /> <br /> <br /> ذکر ہو عثمان بن مظعون کا<br /> <br /> خلد کے حقدار کی باتیں کریں<br /> <br /> <br /> داستانِ بو لبابہ ہو یہاں<br /> <br /> شانِ استغفار کی باتیں کریں<br /> <br /> <br /> زید ابنِ حارثہ کا نام لیں<br /> <br /> یاسر و عمار کی باتیں کریں<br /> <br /> <br /> سعد خالد، عکرمہ، طلحہ ، زبیر<br /> <br /> ہر درِ شہوار کی باتیں کریں<br /> <br /> <br /> حنظلہ، خباب، ابنِ اُمِّ عبد<br /> <br /> جعفرِ طیّار کی باتیں کریں<br /> <br /> <br /> مہبطِ انوارِ دیں ابنِ سلام<br /> <br /> علم کے گلزار کی باتیں کریں<br /> <br /> <br /> حضرت حسان کی نعتیں سنائیں<br /> <br /> شاعرِ دربار کی باتیں کریں<br /> <br /> <br /> زید بن ارقم، برا، اسعد سعید<br /> <br /> مجلسِ احبار کی باتیں کریں<br /> <br /> <br /> ہجرتِ طیبہ کا ذکر اذکار ہو<br /> <br /> دعوتِ انصار کی باتیں کریں<br /> <br /> <br /> ہو ابو ایوب انصاری کا ذکر<br /> <br /> میزبانِ یار کی باتیں کریں<br /> <br /> <br /> ذکرِ طیبہ سے زباں گل ریز ہو<br /> <br /> قریہِ گلبار کی باتیں کریں<br /> <br /> <br /> پھر گلِ تخیل ہو عنبر فشاں<br /> <br /> شہرِ خلد آثار کی باتیں کریں<br /> <br /> <br /> جن کے سائے رحمتوں کی چھاؤں میں<br /> <br /> ان درو دیوار کی باتیں کریں<br /> <br /> <br /> درہم و دینار کے عنواں بھلائیں<br /> <br /> عشق کے بازار کی باتیں کریں<br /> <br /> <br /> سنگِ میل اس کے شہیدوں کے علم<br /> <br /> کوچہِ دلدار کی باتیں کریں<br /> <br /> <br /> پھر نبیِ پاک پر بھیجیں دُرود<br /> <br /> قافلہ سالار کی باتیں کریں<br /> <br /> یہ کلام سیّد سلیم گیلانی کے مطبوعہ مجموعہِ حمد و نعت ’سیّدنا صلی اللہ علیہ وسلم‘ سے لیا گیا ہے۔ [http://alqlm.org/naat/index.php?threads/سیّدنا-مجموعہِ-نعت-از-سید-سلیم-گیلانی.916/ آنلائن مطالعہ کے لیے یہ ربط ملاحظہ ہو]</div>

ابو المیزاب اویس