https://naatkainaat.org/index.php?action=history&feed=atom&title=%D8%AA%D8%A8%D8%A7%D8%AF%D9%84%DB%82_%D8%AE%DB%8C%D8%A7%D9%84%3A%D9%85%D8%AD%D9%85%D8%AF_%D8%B9%D9%84%DB%8C_%D8%B8%DB%81%D9%88%D8%B1%DB%8C 2026-06-22T06:38:45Z ویکی پر اِس صفحہ کا تاریخچۂ نظرثانی MediaWiki 1.40.4 https://naatkainaat.org/index.php?title=%D8%AA%D8%A8%D8%A7%D8%AF%D9%84%DB%82_%D8%AE%DB%8C%D8%A7%D9%84:%D9%85%D8%AD%D9%85%D8%AF_%D8%B9%D9%84%DB%8C_%D8%B8%DB%81%D9%88%D8%B1%DB%8C&diff=23983&oldid=prev 2018-12-12T12:36:32Z

<p>نیا صفحہ: الٰہی حمد سے عاجز ہے یہ سارا جہاں تیرا جہاں والوں سے کیونکر ہو سکے ذکر و بیاں تیرا زمین و آسماں کے...</p> <p><b>نیا صفحہ</b></p><div><br /> الٰہی حمد سے عاجز ہے یہ سارا جہاں تیرا<br /> جہاں والوں سے کیونکر ہو سکے ذکر و بیاں تیرا<br /> <br /> زمین و آسماں کے ذرے ذرے میں ترے جلوے<br /> نگاہوں نے جدھردیکھا نظر آیا نشاں تیرا<br /> <br /> ٹھکانہ ہر جگہ تیرا سمجھتے ہیں جہاں والے<br /> سمجھ میں آ نہیں سکتا ٹھکانا ہے کہاں تیرا<br /> <br /> ترا محبوب پیغمبر تری عظمت سے واقف ہے<br /> کہ سب نبیوں میں تنہا ہے وہی اک رازداں تیرا<br /> <br /> جہانِ رنگ و بُو کی وسعتوں کا رازداں تُو ہے<br /> نہ کوئی ہمسفر تیرا نہ کوئی کارواں تیرا<br /> <br /> تری ذاتِ مُعلّیٰ آخری تعریف کے لائق <br /> چمن کا پتّہ پتّہ روز و شب ہے نغمہ خواں تیرا<br /> <br /> اُردو نعتیں <br /> <br /> فلک کے نظارو زمیں کی بہارو ، سب عیدیں مناؤ حضور آ گئے ہیں<br /> اٹھو غم کے مارو چلو بے سہارو خبر یہ سناؤ حضور آ گئے ہیں<br /> <br /> انوکھا نرالا وہ ذیشان آیا وہ سارے رسولوں کا سلطان آیا<br /> ارے کج کلاہو ارے بادشاہو نگاہیں جھکاؤ حضور آ گئے ہیں<br /> <br /> ہوا چار سو رحمتوں کا بسیرا اجالا اجالا سویرا سویرا<br /> حلیمہ کو پہنچی خبر آمنہ کی میرے گھر میں آؤ حضور آ گئے ہیں<br /> <br /> ہواؤں میں جذبات ہیں مرحبا کے فضاؤں میں نغمات صل علیٰ کے<br /> درودوں کے کجرے سلاموں کے تحفے غلامو سجاؤ حضور آ گئے ہیں<br /> <br /> کہاں میں ظہوری کہاں ان کی باتیں کرم ہی کرم ہے یہ دن اور راتیں<br /> جہاں پر بھی جاؤ دلوں کو جگاؤ یہی کہتے جاؤ حضور آ گئے ہیں<br /> ٭٭٭٭٭٭٭٭٭<br /> <br /> جب مسجد نبویﷺ کے مینار نظر آئے<br /> اللہ کی رحت کے آثار نظر آئے<br /> <br /> منظر ہو بیاں کیسے ، الفاظ نہیں ملتے<br /> جس وقت محمدﷺ کا دربار نظر آئے<br /> <br /> بس یاد رہا اتنا سینے سے لگی جالی<br /> پھر یاد نہیں کیا کیا انوار نظر آئے<br /> <br /> دکھ درد کے ماروں کو غم یاد نہیں رہتے<br /> جب سامنے آنکھوں کے غم خوار نظر آئے<br /> <br /> مکے کی فضاوں میں، طیبہ کی ہواوں میں<br /> ہم نے تو جدھر دیکھا سرکارﷺ نظر آئے<br /> <br /> چھوڑ آیا ظہوری میں دل و جان مدینے میں<br /> اب جینا یہاں مجھ کو دشوار نظر آئے<br /> ٭٭٭٭٭٭٭٭<br /> <br /> رحمت دوجہاں حامی بیکساں شاہِ کون ومکاں وہ کہاں میں کہاں<br /> سرور سروراں رہبر رہبراں تاجدارِ شہاں وہ کہاں میں کہاں<br /> <br /> ان کی خوشبو سے مہکے چمن در چمن، تذکرے آپ کے انجمن انجمن<br /> چاند کی چاندنی، تاروں کی روشنی، ان کے رخ سے عیاں وہ کہاں میں کہاں<br /> <br /> کس طرح سے کہاں سے کروں ابتدا، ان سے اوصاف کی ہے کہاں انتہا<br /> ان کا رتبہ ہے کیا خود ہی جانے خدا، کیا کروں میں بیاں وہ کہاں میں کہاں<br /> <br /> وہ نہ ہوتے تو کچھ بھی نہ ہوتا یہاں، ان کے ہونے سے ہے سب کا نام ونشان<br /> یہ زمیں آسماں یہ مکاں لا مکاں، سارے ان کے مکاں وہ کہاں میں کہاں<br /> <br /> مہ لقا، دلکشا، خوش نوا، خوش ادا، رہنما، پیشوا، مجتبےٰ، مصطفیٰ<br /> جملہ بھوبیاں ان گنت خوبیاں، میری قاصر زباں وہ کہاں میں کہاں<br /> <br /> عمر گزرے میری ذکرِ سرکار میں، جاوؔں ان کے ظہوری جو دربار میں<br /> آخری سانس لوں، نعت پڑھتا رہوں ختم ہوگی یہاں وہ کہاں میں کہاں<br /> ٭٭٭٭٭٭٭٭٭٭<br /> لب پہ صلِ علیٰ کے ترانے اشک آنکھوں میں آئے ہوئے ہیں<br /> یہ ہوا یہ فضا کہہ رہی ہے آقا تشریف لائے ہوئے ہیں<br /> <br /> جن کی خاطر یہ عالم بنایا اپنے گھر جن کو رب نے بلایا<br /> اے حلیمہ یہ تیرا مقدر وہ ترے گھر میں آئے ہوئے ہیں<br /> <br /> کیسے کہہ دوں وہ حاضر نہیں ہیں کیسے مانوں یہ ممکن نہیں ہے<br /> اس سے بڑھ کر ثبوت اور کیا ہو وہ تصور میں آئے ہوئے ہیں<br /> <br /> آج پوری ہوئی دل کی حسرت کیوں نہ جی بھر کے کرلوں زیارت<br /> قبر میں اے فرشتو نہ آنا میرے سرکار آئے ہوئے ہیں<br /> <br /> نام نبیوں کے بے شک بڑے ہیں عظمتوں کے نگینے جڑے ہیں<br /> مقتدی بن کے پیھچے کھڑے ہیں وہ جو پہلے سے آئے ہوئے ہیں<br /> <br /> میں مدینے کی گلیوں کے قرباں جن سے گزرے ہیں شاہِ مدینہ<br /> اس طرح سے مہکتے ہیں رستے عطر جیسے لگائے ہوئے ہیں<br /> <br /> چھوڑ کر در بدر کا ٹھکانا اے کمال ان کے در پہ ہے جانا<br /> ہم سے لاکھوں برُوں کو جو اپنا خاص مہماں بنائے ہوئے ہیں<br /> ٭٭٭٭٭٭٭<br /> دلدار بڑے آئے محبوب بڑے دیکھے<br /> جو دیکھے سبھی ان کے قدموں میں پڑے دیکھے<br /> <br /> سردار دو عالم کی تعظیم کے کیا کہنے<br /> مرسل بھی سبھی جن کی راہوں میں کھڑے دیکھے<br /> <br /> یاد ان کے مدینے کی جب دل میں اتر آئی<br /> پلکوں کے کناروں پہ موتی سے جڑے دیکھے<br /> <br /> محبوب کی مدحت میں ہے تاب سخن کس کو<br /> سب اہل سخن میں نے حیرت میں گڑھے دیکھے<br /> <br /> ان جیسا ظہوری اب آئے گا نہ دنیا میں<br /> دلدار بڑے آئے محبوب بڑے دیکھے<br /> ٭٭٭٭٭٭٭٭٭<br /> <br /> وہ کیسا سماں ہوگا کیسی وہ گھڑی ہوگی<br /> جب پہلی نظر اُن کے روضے پہ پڑی ہوگی<br /> <br /> یہ کوچہ جاناں ہے آہستہ قدم رکھنا<br /> ہرجا پہ ملائک کی بارات کھڑی ہوگی<br /> <br /> کیا سامنے جا کے ہم حال اپنا سنائیں گے<br /> سرکار کا در ہوگا اشکوں کی جھڑی ہوگی<br /> <br /> کچھ ہاتھ نہ آئے گا آقا سے جدا رہ کر<br /> سرکار کی نسبت سے تو قبر بڑی ہوگی<br /> <br /> وہ شیشہ دل غم سے میلا نہ کبھی ہوگا<br /> تصویر مدینے کی جس دل میں جڑی ہوگی<br /> <br /> ہوجائے جو وابستہ سرکار کے قدموں سے<br /> ہر چیز زمانے کی قدموں میں پڑی ہوگی<br /> <br /> چارہ نہ کوئی کرنا ایک نعت سنا دینا<br /> ناچیز ظہوری کی جب سانس اڑی ہوگی<br /> ٭٭٭٭٭٭٭٭٭<br /> <br /> پیکرِ دلربا بن کے آیا ، روحِ ارض و سما بن کے آیا<br /> سب رسولِ خدا بن آئے ، وہ حبیبِ خدا بن کے آیا<br /> <br /> حضرتِ آمنہ کا دلارا ، وہ حلیمہ کی آنکھوں کا تارا<br /> وہ شکستہ دلوں کا سہارا ، بے کسوں کی دعا بن کے آیا<br /> <br /> تاجداروں نے دی ہے سلامی ، بادشاہوں نے کی ہے غلامی<br /> بے مثال اس کا اسمِ گرامی ، مصطفی مجتبی بن کے آیا<br /> <br /> دستِ قدرت نے ایسا سجایا ، حسنِ تخلیق کو رشک آیا<br /> جس کا پایہ کسی نے پایا ، وہ خدا کی رضا بن کے آیا<br /> <br /> وہ نبی رحمتِ عالمیں ہیں جو بھی ہے اس کے زیرِ نگیں ہے<br /> ایسا مختار دیکھا نہیں ہے ، جیسا خیر الوری بن کے آیا<br /> <br /> مسندِ ناز عرشِ بریں ہے ، بوریا کس کا فرشِ زمیں ہے<br /> در کا دربان روح الامیں ہے ، سرورِ انبیاء بن کے آیا<br /> <br /> کیا ظہوری لکھے شان اس کی ، مدح کرتا ہے قرآن اس کی<br /> نعت پڑھتا ہے حسان اس کی ، جو میرا رہنما بن کے آیا<br /> ٭٭٭٭٭٭٭٭٭٭<br /> یہ آرزو نہیں کہ دعائیں ہزار دو<br /> پڑھ کر نبی کی نعت لحد میں اتار دو<br /> <br /> دیکھا ابھی ابھی ہے نظر نے جمال یار<br /> اے موت مجھ کو تھوڑی سی مہلت ادھار دو<br /> <br /> سنتے ہیں جانکنی کا ہے لمحہ بہت کٹھن<br /> لے کر نبی کا نام یہ لمحہ گزار دو<br /> <br /> گر جیتنا ہے عشق میں لازم یہ شرط ہے<br /> کھیلو اگر یہ بازی تو ہر چیز ہار دو۔<br /> <br /> یہ جان بھی ظہوری نبی کے طفیل ہے<br /> اس جان کو حضور کا صدقہ اتاردو<br /> <br /> ٭٭٭٭٭٭٭<br /> <br /> محمدﷺ کا حسن وجمال اللہ اللہ<br /> وہ اِک پیکر بے مثال اللہ اللہ<br /> <br /> نہ ان سا کوئی خوبرو دو جہاں میں<br /> نہ ان سا کوئی خوش خصال اللہ اللہ<br /> <br /> خدا کا ہوا اور مہمان نہ کوئی<br /> یہ عظمت یہ رتبہ کمال اللہ اللہ<br /> <br /> ہے زیرنگیں سطوت ہر دو عالم<br /> محمد کا رُعب وجلال اللہ اللہ<br /> <br /> بُتانِ عرب ہوا طاری لرزہ<br /> اذاں دے رہے ہیں بلالؓ اللہ اللہ<br /> <br /> ثنأ خوانی مصطفےٰ کی بدولت<br /> ظہور ہے شیریں مقال اللہ اللہ<br /> <br /> ٭٭٭٭٭٭٭<br /> <br /> یوں تو سارے نبی محترم ہیں سرورِ انبیا تیری کیا بات ہے<br /> رحمتِ دو جہاں اک تری ذات ہے اے حبیبِ خدا تیری کیا بات ہے<br /> <br /> روحِ کون ومکاں پہ نکھار آ گیا روحِ انسانیت کو قرار آگیا<br /> مرحبا مرحبا ہر کسی نے کہا، آمدِ مصطفےٰ تیری کیا بات ہے<br /> <br /> حضرت آمنہ کے دُلارے نبی، غمزدہ اُمتّوں کے سہارے نبی<br /> روزِ محشر کہے گی یہ خلقِ خدا، سب کے مشکل کشا تیری کیا بات ہے<br /> <br /> چار سوُ رحمتوں کی گھٹا چھاگئی، باغِ عالم میں فصلِ بہار آگئی<br /> دل کا غنچہ کِھلا اسمِ اعظم ملا، ذکرِ صلِ علیٰ تیری کیا بات ہے<br /> <br /> رحمتِ دو جہاں کا خرنینہ ملےِ، جب گلے سے ہوائے مدینہ ملےِ<br /> عرشیوں کی ندا فرشیوں کی صدا، اے درِ مصطفےٰ تیری کیا بات ہے<br /> <br /> آرزو بھی جو دل کی وہ پوری ہوئی، روضہِ مصطفےٰ کی حضوری ہوئی<br /> ہر جگہ پہ ظہوری ظہوری ہوئی، اے نبی کے گدا تیری کیا بات ہے<br /> <br /> ٭٭٭٭٭٭٭٭٭<br /> <br /> <br /> ہم بھی ان کے دیار جائیں گے<br /> جائیں گے بار بار جائیں گے<br /> <br /> ان کے در پہ نثار کرنے کو<br /> لے کے اشکوں کے ہار جائیں گے<br /> <br /> خاکِ طیبہ کی خاک ہونے کو<br /> ہم بھی مستانہ وار جائیں گے<br /> <br /> جِس پہ دورِ خزاں نہیں آتا<br /> دیکھنے وہ بہار جائیں گے<br /> <br /> آئے گا ایک دن کہ سُوئے حرم<br /> ہوکے مثلِ غبار جائیں گے<br /> <br /> وہ ظہوری عجب سماں ہوگا<br /> جب سرِ کوئے یار جائیں گے<br /> ٭٭٭٭٭٭<br /> <br /> جس کی دربارِ محمد میں رسائی ہوگی<br /> اس کی قسمت پہ فدا ساری خدائی ہوگی<br /> <br /> سانس لیتا ہوں تو آتی ہے مہک طیبہ کی<br /> یہ ہَوا کوچہ سرکار سے آئی ہوگی<br /> <br /> روزِ محشر نہ کوئی اور سہارا ہوگا<br /> سب کے ہونٹوں پہ محمد کی دُہائی ہوگی<br /> <br /> چاند قدموں پہ گرِا ان کا اشارا جو ہوا<br /> وقت کیسا تھا وہ جب انگلی اٹھائی ہوگی<br /> <br /> دل تڑپ جائے گا اے زائرِ بطحا تیرا<br /> تیری جس وقت مدینے سے جُدائی ہوگی<br /> <br /> تجھ سے پوچھا نہ نکیروں نے ظہوری کچھ بھی<br /> قبر میں نعتِ نبی تونے سنائی ہوگی<br /> <br /> ٭٭٭٭٭٭٭<br /> <br /> کہیں نہ دیکھا زمانے بھر میں جو کچھ مدینے میں آکے دیکھا<br /> تجلیوں کا لگا ہے میلہ جِدھر نگاہیں اٹھا کر دیکھا<br /> <br /> وہ دیکھو دیکھو سنہری جالی، اِدھر سوالی اُدھر سوالی<br /> قریب سے جو بھی ان کے گذرا حضور نے مسکُرا کر دیکھا<br /> <br /> عجیب لذّت ہے بیخودی کی، عجب کشش ہے درِ نبی کی<br /> سُرور کیسا ہے کچھ نہ پوچھو لپٹ کے سینے لگا کے دیکھا<br /> <br /> طواف روضے کا کر رہی ہیں یہاں وہاں اشکبارِ آنکھیں<br /> ہے گونج صلِ علیٰ کی ہر سوُ جہاں، جہاں پہ بھی جاکے دیکھا<br /> <br /> جہاں گئے ان کا ذکر چھیڑا جہاں رہے ان کی یاد آئی<br /> نہ غم زمانے کے پاس آئے نبی کی نعتیں سُنا کے دیکھا<br /> <br /> ظہوری جاگے نصیب تیرے بس اِک نگاہِ کرم کے صدقے<br /> کہ بار بار اپنے در پہ تجھ کو تیرے نبی نے بُلا کے دیکھا<br /> <br /> ٭٭٭٭٭٭٭٭٭<br /> <br /> نگاہِ رحمت اٹھی ہوئی ہے وہ سب کی بگڑی بنا رہے ہیں<br /> کھلا ہوا ہے کریم کا در، بھرے خزانے لٹا رہے ہیں<br /> <br /> فلک کا سینہ دمک رہا ہے زمیں کا گلشن مہک رہا ہے<br /> چھڑے ہیں صلِ علیٰ کے نغمے حضور تشریف لارہے ہیں<br /> <br /> نہ ان سا کوئی عظیم دیکھا، نہ ایسا درِ یتیم دیکھا<br /> زمانہ ٹھکرا رہا ہے جن کو، انھیں وہ سینے لگا رہے ہیں<br /> <br /> کرے گا یہ حشر بھی نظارا بنیں گے مشکل میں وہ سہارا<br /> کریں گے سب انتظار ان کا، وہ آرہے ہیں وہ آرہے ہیں<br /> <br /> بروزِ محشر بوقت پرسش مجھے جو دیکھا فرشتے بولے<br /> اِدھر پریشان کیوں کھڑے ہو تمہیں تو آقا بُلا رہے ہیں<br /> <br /> نبی کی توصیف اللہ اللہ کہ داد جبریل دے رہا ہے<br /> ظہوری کیا خوش نصیب ہیں جو نبیﷺکی نعتیں سنا رہے ہیں<br /> <br /> ٭٭٭٭٭٭٭٭٭٭<br /> <br /> مختصر سی مری کہانی ہے<br /> جو بھی ہے ان کی مہربانی ہے<br /> <br /> جتنی سانسوں نے ان کا نام لیا<br /> بس وہی میری زندگانی ہے<br /> <br /> کیف طاری ہو اشکباری ہو<br /> یہ ہی ماحول نعت خوانی ہے<br /> <br /> چشمِ تر سے سنائیں حال اپنا<br /> خوش بیانی تو آنی جانی ہے<br /> <br /> ٭٭٭٭٭٭<br /> <br /> <br /> <br /> لمحہ لمحہ شمار کرتے ہیں<br /> آپ کا انتظار کرتے ہیں<br /> <br /> ان پہ راضی خدا کی ذات ہوئی<br /> مصطفیٰ سے جو پیار کرتے ہیں<br /> <br /> ان کی الفت میں خوش نصیب ہیں وہ<br /> جان و دل جو نثار کرتے ہیں<br /> <br /> ان کے در کا فقیر ہوں، جن کی<br /> چاکری تاجدار کرتے ہیں<br /> <br /> میں خطا بار بار کرتا ہوں<br /> وہ کرم بار بار کرتے ہیں<br /> <br /> مدحتِ مصطفیٰ ہے سرمایہ<br /> ہم یہی کاروبار کرتے ہیں<br /> <br /> بات ان کی سدا کریں گے ہم<br /> لوگ باتیں ہزار کرتے ہیں<br /> <br /> ان کے غم میں ظہوری چین ملے<br /> چارہ گر بے قرار کرتے ہیں<br /> <br /> <br /> ٭٭٭٭٭٭<br /> <br /> <br /> ہر روز شبِ تنہائی میں فرقت کا جنوں تڑپاتا ہے<br /> دل مجبوری پر روتا ہے جب یاد مدینہ آتا ہے<br /> <br /> سجدوں کی کمائی ایک طرف طیبہ کی گدائی ایک طرف<br /> ہر چیز اسے مل جاتی ہے جو در پہ نبی کے جاتا ہے<br /> <br /> اک ہو ک اٹھی مرے سینے سے آئے پیغام مدینے سے<br /> چل اٹھ سرکارﷺ بُلاتے ہیں خوش بخت بلایا جاتا ہے<br /> <br /> مرا ظرف کہاں تری ذات کہاں، مری فکر کہاں تری بات کہاں<br /> ادنیٰ سا ایک ثنا خواں ہوں یہی نسبت ہے یہی ناتا ہے<br /> <br /> ہو خیر ترے میخانے کی ہر میکش ہر پیمانے کی<br /> ساقی تری مست نگاہوں سے ہر پیمانہ بھر جاتا ہے<br /> <br /> تری مدحت کام ظہوری کا ترے نام سے نام ظہوری کا<br /> قریہ قریہ، بستی بستی جو تیری نعت سناتا ہے<br /> <br /> <br /> پنجابی نعتیں :<br /> ایہہ کون آیا جدِھے آیاں بہاراں مسکرا پیّاں<br /> کھِڑے نیں پُھل تے کلیاں ہزاراں مُسکرا پیّاں<br /> <br /> بڑی خوش بخت سی ڈاچی سواری کملیﷺ والے دی<br /> حلیمہؓ ہتھ جَد پھڑیاں مُہاراں مُسکرا پیّاں<br /> <br /> ہمیشہ جیہڑیاں محروم سن قُربت دی لذّت توں<br /> قدم رکھیا نبیﷺ سوہنے تے غاراں مُسکرا پیّاں<br /> <br /> کھڑے سن منتظر سارے نبیؐ اقصےٰ دی مسجد وِچ<br /> امام انبیا آئے قطاراں مُسکرا پیّاں<br /> <br /> پچھاں جبریل سِدرہ تے کھڑا حیران ہوندا سی<br /> اگانہہ لنگھیا نبیؐ تے رہگذراں مُسکرا پیّاں<br /> <br /> ظہوری بیکساں نے شُکر دے سجدے ادا کیتے<br /> ازل توں غمزدہ سوچاں وچاراں مُسکرا پیّاں<br /> ٭٭٭٭٭٭٭٭٭٭٭<br /> <br /> کیڈا سوہنا نام محمدؐ دا اِس ناں دیاں ریساں کون کرے<br /> دو جگ تے سایہ رحمت دا ایہدی چھاں دیاں ریساں کون کرے<br /> <br /> دھن بھاگ حلیمہؓ دائی دا مِلیا محبُوب خدائی دا<br /> جدی گود اچ والی دو جگ دا اس ماں دیاں ریساں کون کرے<br /> <br /> جو سوہنے نے فرمایا اے، اونہاں سن کے سیس نوایا اے<br /> ہمیثل محمدؐ عربی دے سجناں دیاں ریساں کون کرے<br /> <br /> جو ہجر نبیؐ وچہ ردندیاں نیں بدیاں دے دفتر دھوندیاں نیں<br /> اوہناں کرماں والیاں اکھیاں دے ہنجواں دیاں ریساں کون کرے<br /> <br /> ہر ذرہ نور خِزینہ ایں شہراں چوں شہر مدینہ اے<br /> جِتھے روضہ کملی والے دا اس تھاں دیاں ریساں کون کرے<br /> <br /> لکھ غزل قصیدے پڑھدار ہوگیتاں دیاں پَوڑیاں چڑھدار ہو<br /> پریار ظہوری سوہنے دیاں نعتاں دیاں ریساں کون کرے<br /> ٭٭٭٭٭<br /> جس کی دربار محمد میں رسائی ہوگی<br /> اس کی قسمت پہ فدا ساری خُدائی ہوگی<br /> <br /> سانس لیتا ہوں تو آتی ہے مہک طیبہ کی<br /> یہ ہوا کوچہ سرکار سے آئی ہو گی <br /> <br /> روز محشر نہ کوئی سہارا ہوگا<br /> سب کے ہونٹوں پہ محمد کی دہائی ہوگی<br /> <br /> چاند قدموں میں گرا ان کا اشارہ جو ہوا <br /> وہ بھی کیا وقت تھا انگلی اٹھائی ہوگی<br /> <br /> دل ٹرپ جائے گا اے زائر بطحا تیرا <br /> تیری جس وقت مدینے سے جدائی ہوگی<br /> <br /> تجھ سے پوچھا نہ نکیروں نے ظہوری کچھ بھی<br /> قبر میں نعت نبی تو نے سنائی ہو گی <br /> <br /> <br /> ٭٭٭٭٭٭٭٭<br /> نوری مکھڑا نالے زُلفاں کالیاں<br /> صدقے واری جاون ویکھن والیاں<br /> ٭٭٭٭٭<br /> دنیا تے آیا کوئی تیری نہ مثال<br /> لَبھ کے لیاواں کِتھوں سوہنا ترے نال دا<br /> <br /> سوہنیا درود بھیجے رَب تیری ذات نوں<br /> مُکھ تیرا نُور رونڈے ساری کائنات نوں<br /> <br /> شیدا اے زمانہ تیرے حُسن وجمال دا<br /> مکّے رہن والیا مدینے آون والیا<br /> <br /> ٹھیڈے کھان والیاں نوں سینے لاون والیا<br /> تیرے بنا ڈوگیاں نوں کوئی نہ سنبھال دا<br /> <br /> تیریاں تے صفتاں دا کوئی وی حساب نیئں<br /> توں تے کتھے تیریاں غلاماں دا جواب نیئں<br /> <br /> حُوراں تائیں روپ ونڈیں حبشی بلالؓ دا<br /> ہوکا پیادیوے تیرے سچّیاں پیاراں دا<br /> <br /> جیوندا اے ظہوری ناں لے کے تیرے یاراں دا<br /> گولا اے تیرا تیرے در تیری آل دا<br /> ٭٭٭٭٭<br /> سلام<br /> یا رسول اللہ تیرے در کی فضاوؔں کو سلام<br /> گنبدِ خضرا کی ٹھنڈی ٹھنڈی چھاوؔں کو سلام<br /> <br /> والہانہ جو طواف روضئہ اقدس کرے<br /> مست وخود وجد میں آتی اُن ہواوؔں کو سلام<br /> <br /> جو مدینے کی گلی کوچوں میں دیتے ہیں صدا<br /> تا قیامت اُن فقیروں اور گاوؔں کو سلام<br /> <br /> مانگتے ہیں جو وہاں شاہ وگدا بے امتیاز<br /> دل کی ہر دھڑکن میں شامل اُن دعاوؔں کو سلام<br /> <br /> اے ظہوری خوش نصیبی لے گئی جن کو حجاز<br /> ان کے اشکوں اور ان کی التجاوؔں کو سلام<br /> <br /> در پہ رہنے والے خاصوں اور عاموں کو سلام<br /> یا نبی تیرے غلاموں کے غلاموں کو سلام<br /> <br /> کعبہ کعبہ کے خوش منظر نظاروں پر درود<br /> مسجدِ نبوی کی صبحوں اور شاموں کو سلام<br /> <br /> جو پڑھا کرتے ہیں روز وشب تیرے دربار میں<br /> پیش کرتا ہے ظہوری ان سلاموں کو سلام<br /> <br /> ماھیے<br /> عربی سلطان آیا ، نیویاں اُچیاں دے سب فرق مٹان آیا <br /> اہدا رُتبہ نہ کوئی تولے، کہڑا اُہدی ریس کرے جدھے مُنہ وِچوں رب بولے <br /> آپکے وصال کے بعد جناب پروفیسر راو ارتظی حسین اشرفی صدر شعبہ علوم اسلامیہ ایف سی کالج لاہورنے آپکے لیے ایک منقبت نذرانہ عقیدت میں لکھی <br /> <br /> سرکار کا بے مثل ثناء خوان ظہوری <br /> ہے نعت کے اس دور کا حسّان ظہوری<br /> <br /> مہکے گا تیری خوشبو سے یہ نعت کا گلشن<br /> تا ابد رہے گا تیرا فیضان ظہوری<br /> توصیفِ نبی پاک کے آداب سیکھائے<br /> اس قوم پہ ہے یہ تیرا احسان ظہوری<br /> <br /> ہر دل میں شمع عشق رسالت کی جلاو<br /> تا عمر یہ کرتا رہا اعلان ظہوری<br /> <br /> لاو بھی ظہوری کو ہمیں نعت سنائے<br /> جاری ہوا تیرے لیے فرمان ظہوری<br /> <br /> لے جایا گیا بارگاہ مصطفوی میں<br /> کس شان سے ہے تو بنا محمان ظہوری<br /> <br /> رحلت سے قبل خواب میں سرکار کا آنا<br /> بخشش کا تیری یوں ہوا سامان ظہوری<br /> <br /> روتا ہے اور روئے گا زمانہ جسے برسوں<br /> تھا ایک عظیم ایسا ہی انسان ظہوری<br /> <br /> مل جائے تیرے سوز کی خیرات ہمیں بھی<br /> ہے اشرفی کے دل میں یہ ارمان ظہوری<br /> کلام جو کلیات میں شائع نہیں ہوا:<br /> چلے جس ویلے پورے دی ہوا مدینہ سانوں یاد آؤندا<br /> رب کرے نہ مدینہ توں جدا مدینہ سانوں یاد آؤندا<br /> یاداں سوہنے دیاں آن کے جگؤندیاں جگاؤندیاں<br /> لوکی سوندے ساہنوں نیندراں نیں آؤندیاں نیں آؤندیاں<br /> لَوّے سوہنا سوہنے روضے تے بلا مدینہ ساہنوں یاد آوندیاں<br /> سوہنے شہر نوں سواریاں نے چلیاں چلیاں<br /> میں وی دیواں پیا دل نوں تسلیاں تسلیاں<br /> اللہ کرے ساڈی واری جاوے آ مدینہ ساہنوں یاد آوندیاں<br /> اج ساریاں نیں خوشیاں منایاں نیں منایاں نیں<br /> جدوں چھٹیاں بلاوے دیاں آیاں نیں آیاں نیں<br /> اولے بہہ کے لواں اتھرو وگا مدینہ ساہنوں یاد آوندیاں<br /> ایس دنیا تے لکھاں ای بہاراں نیں بہاراں نیں<br /> ایس دنیا دے شوق ای ہزاراں نیں ہزاراں نیں<br /> سدا رہندا روضہ دیکھنے دا چا۔ مدینہ ساہنوں یاد آوندیاں<br /> اے تے گل اوہدے کرم تے کمال دی کمال دی<br /> کوئی گل منیوں زور تے مال دی مال دی<br /> جنھوں مرضی اوہدی او لیندے نیں بلا مدینہ ساہنوں یاد آوندیاں<br /> اُنج ویکھیا جہان پھر سارا اے سارا اے<br /> روضے پاک دا وکھرا نظارا اے نظارا اے<br /> اجے لتھیا نیں اکھیاں دا چا مدینہ ساہنوں یاد آوندیاں<br /> نی ہوائے تینوں کاہدی مجبوری اے مجبوری اے<br /> اکھیں روندا دن رات ظہوری اے ظہوری اے<br /> حال ساریاں دا دیویں جا سنا مدینہ ساہنوں یاد آوندیاں<br /> <br /> ٭٭٭٭٭<br /> <br /> تیری جالیوں کے ہر سو تیری رحمتوں کے سائے<br /> جسے دیکھنی ہو جنت وہ مدینہ دیکھ آئے<br /> نہ یہ بات شان سے ہے نہ یہ بات مال وزر سے<br /> وہی جاتا ہے مدینے آقا جسے بلائے<br /> طیبہ کے جانے والے تجھے دیتا ہوں دعائیں<br /> تو درِ نبی پہ جائے تو جہاں کو بھول جائے<br /> روضے کے سامنے میں یہ دعائیں مانگتا تھا<br /> میری جاں نکل تو جائے یہ سماں بدل نہ پائے<br /> لو چلا ہوں میں لحد میں میرے مصطفیٰ سے کہہ دو<br /> کہ ہوا تیری گلی کی مجھے چھوڑنے کو آئے<br /> وہ ظہوری یار میرا وہی غم گسار میرا<br /> جو میری قبر پہ آ کے نعت نبی سنائے<br /> <br /> ٭٭٭٭٭<br /> غمزدوں کے لیے رحمت مصطفیٰ وہ سمندر ہے جس کا کنارہ نہیں<br /> حشر کے دن بھی وہ سب کے کام آئیں گے کون ہے جس نے ان کو پکارا نہیں<br /> شاہد جس پہ ہوا ہے کلامِ خدا مصطفیٰ کی رضا ہے خدا کی رضا<br /> اپنے محبوب سے حق نے فرما دیا جو تمہارا نہیں وہ ہمارا نہیں<br /> بے بس وبے اماں، بے کس وناتواں، خستہ تن، بے وطن، تشنہ لب، نیم جاں<br /> دامنِ مصطفیٰ سب کی جائے پناہ دوسرا اور کوئی سہارا نہیں<br /> کیا گھڑی ہوگی محشر میں سب انبیاء امتوں کو نہ دیں گے کوئی آسرا<br /> ہوگی سب کی زباں پہ یہی اک صدا مصطفیٰ کے سوا کوئی چارہ نہیں<br /> منتظر چشمِ رحمت کے شاہ وگدا، بے بہا ان کے فیضان جودو سخا<br /> آئے در پہ سوالی نہ جھولی بھرے میرے سرکار کو یہ گوارا نہیں<br /> ہو کے وارفتہ جو بھی مدینے گیا سبز گنبد کو بس دیکھتا رہ گیا<br /> ساری دنیا میں ایسا حسیں دلربا دوسرا اور کوئی نظارہ نہیں<br /> نعت سرکار کی دل سے نکلے صدا، سننے والے بھی ہوں جان ودل سے فدا<br /> سارا منظر ظہوری ہو مہکا ہوا اس سے بڑھ کے سماں کوئی پیارا نہیں<br /> <br /> ٭٭٭٭٭٭<br /> <br /> جان دواں نہ جان دیاں سوہنیاں پھیرا پا تے سہی<br /> پلکاں میٹھ لکالاں گا اک واری توں آ تے سہی<br /> تیری وی مولا سن لے گا سوہنے نوں حال سنا تے سہی<br /> ساری دنیا بھل جائیں گا تو شہر مدینے جا تے سہی<br /> جام نظر دا پیواں گا مویا ہویا میں جی واں گا<br /> سامنے سج کے ہو تے سہی اپنی نظر ملا تے سہی<br /> رحمت دا دامان ملے بخشش دا سامان ملے<br /> روضے دے نیڑے ہو تے سہی جالی سینے لا تے سہی<br /> مک گئی ساری دوری اے حاضر در تے ظہوری اے<br /> اپنے اس دیوانے نوں مار کے واز بلا تے سہی<br /> <br /> ٭٭٭٭٭<br /> <br /> جھڑیاں او رحمتاں دیاں لائیاں حضور نیں<br /> تھاواں جو اجڑیاں سی وسائیاں حضور نیں<br /> رنگناں سی آپ جا کے حلیمہ دی گود نوں<br /> سب موڑ دتیاں بوہے توں دائیاں حضور نیں<br /> ایہہ معجزہ وی آپ دا اک بے مثال سی<br /> سڑیاں کھجوراں مڑ کے اگائیاں حضور نیں<br /> کیہ کیہ یہ اختیار دتا رب نے آپ نوں<br /> مٹھی چہ کنکراں وی بلائیاں حضور نیں<br /> تھاں تھاں تے نعتاں پڑھیاں نیں رب دے قرآن نیں<br /> شاناں خدا دے دلوں ایہہ پائیاں حضور نیں<br /> میں کیہہ مثال دیواں اہدے خلق عظیم دی<br /> دشمن دے ہیٹھ چدراں وچھائیاں حضور نیں<br /> میں کیہہ ظہوری دعوٰی کراں اکھیاں نوں لاؤن دا<br /> لایاں تے نالے آپ ای نبھائیاں حضور نیں<br /> <br /> ٭٭٭٭٭٭<br /> <br /> رحمت نے مجھ کو درد و الم سے بچا لیا<br /> میں نے بھی اپنا سویا مقدر جگا لیا<br /> اب اس سے بڑھ کر کون سی نعمت طلب کروں<br /> آقا نے مجھ کو روضے کے اندر بلا لیا<br /> حدِ ادب میں دل بھی دھڑکنے سے ڈر گیا<br /> اشکوں نے خود کو پلکوں کے اندر چھپا لیا<br /> کیا کچھ دیا نہ آپ نے سائل کے ہاتھ میں<br /> جو جس کا تھا نصیب وہی اس نے پا لیا<br /> یہ تھا ظہوری روزِ شفاعت میرے لیے<br /> اس حاضری نے مجھ کو وہیں بخشوا لیا<br /> <br /> <br /> <br /> <br /> ٭٭٭٭٭<br /> شبیر شہادت دا عنوان بڑا سوہنا<br /> کربل دے شہیداں دا سلطان بڑا سوہنا<br /> پھل گلشن زہرادے پئے سرخیاں ونڈے نیں<br /> سجیا اے شہیداں دا میدان بڑا سوہنا<br /> شبیر پیا کھیڈے سرکار دے موہڈے تے<br /> زہرا دے دلارے دا ایہہ شان بڑا سوہنا<br /> ینزے تے نہ چڑھیا اے انج کسے وی نہ پڑھیا اے<br /> قاری نے سنایا اے قرآن بڑا سوہنا<br /> تصویر رسالت دی سرخی اے شہادت دی<br /> سطراں تطہیر دیاں دیوان بڑا سوہنا<br /> منگتا اے ظہوری وی سوہنے دے گھرانے دا<br /> سرکار نے کیتا اے احسان بڑا سوہنا</div>

ADMIN 2