خوشبو ہے دو عالم میں تری اے گل چیدہ ۔ حفیظ تائب

نعت کائنات سے
نظرثانی بتاریخ 09:50، 22 نومبر 2018ء از ADMIN 2 (تبادلۂ خیال | شراکتیں)
(فرق) → پرانا نسخہ | تازہ ترین نسخہ (فرق) | تازہ نسخہ ← (فرق)
Jump to navigationJump to search

Naat kainaat hafeez taib.jpg

مرکزی صفحہ
اردو شاعری
احباب کی نظر میں

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔Email.png Phone.pngWhatsapp.jpg Facebook message.png

Youtube channel click.png

نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

خوشبو ہے دو عالم میں تری اے گل چیدہ

کس منہ سے بیاں ہوں ترے اوصاف حمیدہ


سیرت ہے تری جوہر آیئنہ تہذیب

روشن ترے جلووں سے جہان دل و دیدہ


تو روح زمن ، رنگ چمن، ابر بہاراں

تو حسن سخن، شان ادب، جان قصیدہ


تجھ سا کوئی آیا ہے نہ آئے گا جہاں میں

دیتا ہے گواہی یہی عالم کا جریدہ


مضمر تری تقلید میں عالم کی بھلائی

میرا یہی ایماں ہے، یہی میرا عقیدہ


اے ہادی برحق تری ہر بات ہے سچی

دیدہ سے بھی بڑھ کر ہے ترے لب سے شنیدہ


اے رحمت عالم تری یادون کی بدولت

کس درجہ سکوں میں ہے مرا قلب تپیدہ


ہے طالب الطاف مرا حال پریشان

محتاج عنایت ہے مرا رنگ پریدہ


خیرات مجھے اپنی محبت کی عطا کر

آیا ہوں ترے در پہ بہ دامان دریدہ


یوں دور ہوں تائب میں حریم نبوی سے

صحرا میں ہو جس طرح کوئی شاخ بریدہ

نئے صفحات
گذشتہ ماہ زیادہ پڑھے جانے والے موضوعات

مزید دیکھیے[ترمیم | ماخذ میں ترمیم کریں]

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔Email.png Phone.pngWhatsapp.jpg Facebook message.png

Youtube channel click.png
"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659
نئے اضافہ شدہ کلام