تاب مرآت سحر گرد بیابان عرب

نعت کائنات سے
نظرثانی بتاریخ 21:38، 30 ستمبر 2017ء از Admin (تبادلۂ خیال | شراکتیں)
(فرق) → پرانا نسخہ | تازہ ترین نسخہ (فرق) | تازہ نسخہ ← (فرق)
Jump to navigationJump to search


نعت رسول کریم صلی اللہ علیہ وآلہ وسلم


از امام احمد رضا خان بریلوی


تاب مرآت سحر گرد بیابان عرب

غازہ روئے قمر دود چراغان عرب


اللہ اللہ بہار چمنستان عرب

پاک ہیں لوث خزاں سے گل و ریحان عرب


جوشش ابر سے خون گل فردوس کرے

چھیڑ دے رگ کو اگر خار بیابان عرب


تشنہ ءِ نہر جناں ہر عربی و عجمی!

لب ہر نہر جناں تشنہ ءِ نیسان عرب


طوق غم آپ ہوائے پر قمری سے گرے

اگر آزاد کرے سرو خرامان عرب


مہر میزاں میں چھپا ہو تو حمل میں چمکے

ڈالے اک بوند شب دے میں جو باران عرب


عرش سے مژدہ ءِ بلقیس شفاعت لایا

طائرِ سدرہ نشیں مرغِ سلیمان عرب


حسن یوسف پہ کٹیں مصر میں انگشت زناں

سر کٹاتے ہیں ترے نام پہ مردان عرب


کوچہ کوچہ میں مہکتی ہے یہاں بوئے قمیص

یوسفتاں ہے ہر اک گوشہ کنعان عرب


بزم قدوسی میں ہے یاد لب جاں بخش حضور

عالم نور میں ہے چشمہ ¿ حیوان عرب


پائے جبریل نے سرکار سے کیا کیا القاب

خسرو خیل ملک خادم سلطان عرب


بلبل و نیلپر و کبک و بنو پروانو!

مہ و خورشید پہ ہنستے ہیں چراغان عرب


حور سے کیا کہیں موسیٰ سے مگر عرض کریں

کہ ہے خود حسن ازل طالب جانان عرب


کرمِ نعت کے نزدیک تو کچھ دور نہیں

کہ رضائے عجمی ہو سگ حسان عرب


حدائق بخشش[ترمیم | ماخذ میں ترمیم کریں]

حدائق بخشش


پچھلا کلام[ترمیم | ماخذ میں ترمیم کریں]

نعمتیں بانٹتا جس سمت وہ ذیشان گیا

اگلا کلام[ترمیم | ماخذ میں ترمیم کریں]

پھراٹھا ولولہ یاد مغیلان عرب