ارشد شاہین

آپ کا اصل نام ارشد محمود ہے ۔ آبائی گاؤں تیرو چک تحصیل کھاریاں ضلع گجرات ہے۔ 2 ستمبر 1969 کو پیدا ہوئے ۔ گورنمنٹ انٹر کالج جہلم سے ایف اے اور بی اے کا امتحان پاس کیا۔ ایم اے اردو کی غرض سے گورنمنٹ ایف سی کالج لاہور میں داخلہ لیا۔انیس سو چھیانوے میں ماسٹر کرنے کے بعد پی اے ایف کالج لاہور میں دو سال تک لیکچرار کی حیثیت سے خدمات انجام دیں۔بعد ازاں انیس سو اٹھانوے میں ڈویژنل پبلک سکول اینڈ انٹر میڈیٹ کالج ماڈل ٹاؤن لاہور سے بطور سینئر ٹیچر اردو منسلک ہو گئے۔جولائی دو ہزار گیارہ تک اسی ادارے سے منسلک رہے۔دوران ملازمت دو ہزار سات میں احمد مشتاق فن اور شخصیت کے موضوع پر مقالہ لکھ کر پنجاب یونیورسٹی سے ایم فل کی سند حاصل کی۔آج کل بسلسلہ درس و تدریس ناروے میں مقیم ہیں ساتھ ہی ساتھ ایجوکیشن یونیورسٹی لاہور سے باقاعدہ طالب علم کی حیثیت سےسکنڈے نیویا میں اردو زبان و ادب کے موضوع پر مقالہ بھی لکھ رہے ہیں۔

شاعری

شاعری کا آغاز زمانہ کالج میں ہوا ۔ ابتدائی طور پر اپنے اردو کے استاد اور کہنہ مشق شاعر جناب مکرم حسین خورشید سے اصلاح لی ۔ علاوہ ازیں کالج میں موجود اردو اور پنجابی کے صاحبانِ طرز شعرا جناب باغ حسین کمال مرحوم اور امین طرف صدیقی مرحوم سے اکتسابِ فیض کیا۔ اردو ، پنجابی ، سندھی ، انگلش اور نارویجن زبان پر عبور حاصل ہے۔اردو اور پنجابی میں شاعری کرتے ہیں۔

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

مطبوعہ کتب

اردو شاعری کا ایک مجموعہ "اماوس میں چاندنی " کے نام سے دو ہزار گیارہ میں شایع ہوا۔

غیر مطبوعہ کتب

دوسرا شعری مجموعہ "دریا سفر میں ہے" اور سفر نامۂ یورپ "آخری کنارے تک" اشاعت کے مراحل میں ہیں۔

حمدیہ و نعتیہ شاعری

• پھر رہا ہوں یوں بھی اترایا ہوا
• خوش گفتار کی باتیں ہوں گی
• کیسے پھر اس کو دوری ءِ منزل کا غم رہے

مزید دیکھیے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نعت کائنات پر نئی شخصیات
سرور بارہ بنکوی، بارہ بنکی حسن فتح پوری ،فتح پور قمر صدیقی، بھارت مناظر حسن اشرف ، عمر علی شاہ ، لودھراں شکیل اعظمی، الطاف ضیاء، مالیگاؤں عالم نظامی ،ممبئی زبیر گورکھپوری، ممبئی انجم بارہ بنکوی ، بھارت صفدر علی محسن، نقیب مختار تلہری، بریلی رشید وارثی، کراچی

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ