یاد میں جس کی نہیں ہوشِ تن و جاں ہم کو ۔ امام احمد رضا خان بریلوی

نعت کائنات سے
نظرثانی بتاریخ 13:06، 27 مارچ 2017ء از ابو المیزاب اویس (تبادلۂ خیال | شراکتیں) (نیا صفحہ: {{بسم اللہ }} شاعر : امام احمد رضا خان بریلوی کتاب : حدائق بخشش === نعت ِ رسول ِ کریم صلی اللہ ع...)
(فرق) → پرانا نسخہ | تازہ ترین نسخہ (فرق) | تازہ نسخہ ← (فرق)
Jump to navigationJump to search


شاعر : امام احمد رضا خان بریلوی

کتاب : حدائق بخشش

نعت ِ رسول ِ کریم صلی اللہ علیہ وآلہ وسلم[ترمیم | ماخذ میں ترمیم کریں]

یاد میں جس کی نہیں ہوش ِتن و جاں ہم کو

پھر دکھادے وہ رخ اے مہر ِفروزاں ہم کو


دیر سے آپ میں آنا نہیں ملتا ہے ہمیں

کیا ہی خور رفتہ کیا جلوہٴ ِجاناں ہم کو


جس تبسم نے گلستاں پہ گرائی بجلی

پھر دکھادے وہ ادائے گلِ خنداں ہم کو


کاش آویزہ ٴ قندیل ِمدینہ ہو وہ دل

جس کی سوزش نے کیا رشکِ چراغاں ہم کو


عرش جس خوبیِ رفتار کا پامال ہوا

دو قدم چل کے دکھا سرو ِخراماں ہم کو


شمع ِطیبہ سے میں پروانہ رہوں کب تک دور

ہاں جلادے شرر ِآتشِ پنہاں ہم کو


خوف ہے سمع خراشئ سگِ طیبہ کا

ورنہ کیا یاد نہیں نالہ وا فغاں ہم کو


خاک ہوجائیں در ِپاک پہ حسرت مٹ جائے

یاالٰہی نہ پھرا بے سرو ساماں ہم کو


خار ِصحرائے مدینہ نہ نکل جائے کہیں

وحشتِ دل نہ پھرا بے سرو ساماں ہم کو


تنگ آئے ہیں دو عالم تری بیتابی سے

چین لینے دے تپِ سینہ ٴ سوزاں ہم کو


پاؤں غربال ہوئے راہِ مدینہ نہ ملی

اے جنوں اب تو ملے رخصتِ زنداں ہم کو


میرے ہر زخم ِجگر سے یہ نکلتی ہے صدا

اے ملیح ِعربی کردے نمک داں ہم کو


سیر ِگلشن سے اسیران ِچمن کو کیا کام

نہ دے تکلیفِ چمن بلبلِ بستاں ہم کو


جب سے آنکھوں میں سمائی ہے مدینہ کی بہار

نظر آتے ہیں خزاں دیدہ گلستان ہم کو


گر لبِ پاک سے اقرارِ شفاعت ہوجائے

یوں نہ بے چین رکھے جوششِ عصیاں ہم کو


نّیر ِحشر نے اک آگ لگا رکھی ہے

تیز ہے دھوپ ملے سایہٴ داماں ہم کو


رحم فرمائیے یا شاہ کہ اب تاب نہیں

تابکے خون رلائے غمِ ہجراں ہم کو


چاک داماں میں نہ تھک جائیو اے دست جنوں

پرزے کرنا ہے ابھی جیب و گریباں ہم کو


پردہ اُس چہرہٴ انور سے اٹھا کر اک بار

اپنا آئینہ بنا اے مہِ تاباں ہم کو


اے رضا وصف ِرخِ پاک سُنانے کے لئے

نذر دیتے ہیں چمن مرغِ غزل ِخواں ہم کو


مزید دیکھیے[ترمیم | ماخذ میں ترمیم کریں]

زمانہ حج کا ہے جلوہ دیا ہے شاہدِ گل کو | یاد میں جس کی نہیں ہوشِ تن و جاں ہم کو | حاجیو آؤ شہنشاہ کا روضہ دیکھو

امام احمد رضا خان بریلوی | حدائق بخشش