ہر علم کی تخلیق کے معیار سے پہلے ۔ سلیم کوثر

شاعر : سلیم کوثر

نعتِ رسولِ آخر صلی اللہ علیہ وآلہ وسلم

ہر علم کی تخلیق کے معیار سے پہلے

سرکار ہی موجود تھے سرکار سے پہلے

تعمیر ہوئی بعد میں یہ ساری عمارت

دروازہ بنایا گیا دیوار سے پہلے

اک عرش بچھایا گیا اس فرشِ زمیں پر

رستوں کو اُبھارا گیا رفتار سے پہلے

ترتیب دیا صاحبِ اسرارِ جہاں نے

اک حُسنِ تکلم تری گُفتار سے پہلے

موجود رہا خلوتِ ہر شے میں وہ لیکن

ظاہر نہ ہُوا خود، ترے اظہار سے پہلے

زندہ ہوئے اک لمحۂ اثبات میں عالم

کب رُوح میں جاں تھی ترے اقرار سے پہلے

ہر سوچنے والے کی نگاہوں میں کھنچا ہے

اک نور کا ہالہ ترے دیدار سے پہلے

یہ رحمتِ عالم کا کرم ہی تو ہے ورنہ

ملتا ہی نہ تھا کوئی گنہگار سے پہلے

تب جا کے سمٹتی ہے دھنک نعت کی دل میں

خوشبوئے حضور آتی ہے اشعار سے پہلے

سب اول و آخر کی حدیں ختم ہیں اُن پر

سرکار ہی موجود ہیں سرکار سے پہلے

مزید دیکھیے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نئے اضافہ شدہ کلام

ان کے الطاف کے بعد، ان کی عطا سے پہلے - احمد جاوید ہے چہرہ چاند تو ساری شخصیت چاندنی، آہا - نعیم صدیقی شکستہ راستوں کو راستی کا حکم ملے ۔ اکرام اللہ اعظم میں نے عُمرے پہ جاتے ہووں سے کہا، ایک دربار ہے ہر کوئی ان کو چہرہ ء قرآن کہہ رہا ہے نعت کیا ہے - نمرہ گل خان ترے خیال کو دل میں بسا کے لایا ہوں ۔ عارف عبد المتین روضہ ہے مرے سامنے گھر بھول گیا ہوں ۔ اسلم فیضی جو مقدس ہے زمانے میں مگر دیکھا ہے ۔ حافظ لدھیانوی دیکھتے جلوہ سرکار کو آتے جاتے ۔ کفایت اللہ کافی

قلم نے لوح پر نام محمد جب لکھا ہو گا۔ غلام سرور لاہوری تمنا آرزو حسرت مری آنکھوں میں رہتی ہے۔ ظہیر قدسی نامِ شاہِ امم دل سے لف ہو گیا ۔ اشفاق احمد غوری آنکھیں سجود میں ہیں تو دِل کا قیام ہے ۔ اختر شمار رضی الدین رضی کی مکالماتی نعت شہرطیبہ کے دروبام سے باندھے ہوئے رکھ ۔ قمر رضا شہزاد طیبہ کی اُس ریت پہ پھولوں کے مسکن قربان ۔ نجم الاصغر شاہیا خاک جب اس پیکر نوری کا مدفن ہو گئی ۔ عاصی کرنالی کہاں میں کہاں مدح ِ ذات ِ گرامی ۔ ماہر القادری سوال: عبد کی معبود تک رسائی ہے ۔ حزیں صدیقی

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ