"کیا رفیع المرتبت یہ مرتبہ ہے آپ کا" کے اعادوں کے درمیان فرق

"نعت کائنات" سے
:چھلانگ بطرف رہنمائی, تلاش
(نیا صفحہ: {{بسم اللہ }} link=حفیظ اوج شاعر : مرزا حفیظ اوج === {{نعت }} === کی...)
(No difference)

تـجدید بـمطابق 08:06, 13 فروری 2020

"Hafeez Oaj

شاعر : مرزا حفیظ اوج


نعتِ رسولِ آخر صلی اللہ علیہ وآلہ وسلم

کیا رفیع المرتبت یہ مرتبہ ہے آپ کا

خالقِ ارض و سما مدحت سرا ہے آپ کا


میں گدا، چشمِ عنایت کا سوالی ہوں کھڑا

اے شہہِ ہر دوسرا بابِ عطا ہے آپ کا


دامنِ خیر الامم میں عاصیو! لے لو پناہ

عاصیوں کے واسطے بس در کُھلا ہے آپ کا


کر دیا خالق نے مالک دو جہانوں کا انہیں

وہ ہے رب کا فیصلہ جو فیصلہ ہے آپ کا


اور کیا چاہے کسی سے؟ جو بھی انکا ہو گیا

خود غنی وہ ہو گیا جو ہو گیا ہے آپ کا


سیّدی محشر میں اُمت کا سہارا آپ ہیں

اے شفیعِ عاصیاں یہ مرتبہ ہے آپ کا


”ربّی ھبلی اُمتی“ ہے آپ کے لب پر رواں

آپ کی اُمت ہے آقا فیصلہ ہے آپ کا


کب کسی پر یوں کُھلا کرتے ہیں اسرارِ خدا

لمحہء معراج جیسے ”کُن کُشا“ ہے آپ کا


آپ کے دستِ کرم کو ہاتھ اپنا رب کہے

وہ یدِ پُر نور جو قدرت نما ہے آپ کا


اوجؔ پر بھی ہو کرم، اے زینتِ اوجِ کرم

اوجؔ ِ عصیاں پر سہی، آقا گدا ہے آپ کا


مزید دیکھیے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔Email.png Phone.pngWhatsapp.jpg Facebook message.png

نئے اضافہ شدہ کلام
"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659
نئے صفحات