کچھ ادبی اصطلاحات

بشکریہ : فیض شیخ

ادبی اصطلاحات

‎ ١۔ آرکی ٹاپ Archetypes

تاریخی طور پر پرانے قصے، کہانیوں میں موجود وہ اولین نقوش اور تمثالیں جو ورثے میں فرد کے لاشعور میں محفوظ ہوتے ہیں۔آرکی ٹاپ کہلاتے ہیں۔

٢۔ آفاقیت Universality

جذبوں اور احساسات کا فنی اور جمالیاتی اظہار جو جغرافیائی حدود سے ماورا ہو کر کل نوعِ انسانی کی ترجمانی کرے۔آفاقیت کہلاتا ہے ۔

٣۔ آہنگ Harmony

کسی فن کے عناصرِ ترکیبی کا باہمی ارتباط آہنگ کہلاتا ہے۔

٤۔ابتذال Vulgarity

کلام میں غیر مہذب الفاظ کا استعمال ابتذال کہلاتا ہے۔

٥۔ ابلاغ Communication

شاعر یا ادیب اپنے فن پارے میں جو امیجز بناتا ہے اگر کم و بیش اسی شکل میں قاری محسوس کرے تو ابلاغ کہلاتا ہے۔

٦۔احتساسی کیفیت Sensuousness

تخلیق میں مہیجات کا تذکرہ اس طرح کرنا کہ ایک حس دوسری حسوں کے ساتھ گھل مل جائے۔

رنگ باتیں کریں اور باتوں سے خوشبو آئے

درد پھولوں کی طرح مہکے اگر تو آئے

٧۔ اساطیر، دیو مالا mythology

قدیم افسانوں، قصوں اور دیوی دیوتاؤں سے متعلق آثار کو اساطیر کہتے ہیں۔ یونانی، ہندی اور مصری دیومالائیں مشہور ہیں۔

٨۔ استعارہ Metaphor

کسی شے کے لوازمات اور خصوصیات کو کسی دوسری شے سے منسوب کرنا استعارہ کہلاتا ہے۔

ایک روشن دماغ تھا نہ رہا

شہر میں اک چراغ تھا نہ رہا

٩۔ الیگری allegory

مجردات اور غیر مجسم چیزوں کو تجسیم کرنا الیگری کہلاتا ہے ۔ جیسے کسی کہانی میں عشق، عقل، شہرت، حسن، توبہ وغیرہ کو کوئی صورت دے دی جائے۔

١٠۔انحراف Deviation

نثر و نظم مسلمہ اسلوب سے ہٹنا اور روایت کے سلسلے کی عمومی ڈگر پر نہ چلنا انحراف کہلاتا ہے ۔

مزید دیکھیے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

زبان و بیان کے مسائل
اردو ادب کی اصطلاحات فاصلہ کبری والے الفاظ لفظ "مشکور" کا معمہ اردو میں غیر زبانوں کے الفاظ ۔ شمس الرحمان فاروقی کچھ ادبی اصطلاحات از فیض شیخ	علوم ادب واو عاطفہ اک ذرا سی بات پر ۔ یعقوب آسی ھ اور ہ میں فرق الف کی اقسام- عمر وڑائچ

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ