کوئی بھی تم سا نہیں، سیدی نہیں ہے کہیں - زینب سروری
نعت کائنات سے
نظرثانی بتاریخ 10:03، 16 نومبر 2019ء از 83.110.249.192 (تبادلۂ خیال) (نیا صفحہ: === نعت رسول کریم صلی اللہ علیہ وسلم === کوئی بھی تم سا نہیں، سیدی ﷺ نہیں ہے کہیں خدا کے ہے جو قریں، س...)
نعت رسول کریم صلی اللہ علیہ وسلم
کوئی بھی تم سا نہیں، سیدی ﷺ نہیں ہے کہیں خدا کے ہے جو قریں، سیدی ﷺ نہیں ہے کہیں
یہ رخ، یہ خد، یہ جبیں، سیدیﷺنہیں ہے کہیں
نہیں ہے تم سا حسیں، سیدی ﷺ نہیں ہے کہیں
نو آسماں ترے حسن و جمال سے روشن
یہ ماہتاب جبیں، سیدی ﷺ نہیں ہے کہیں
تمہاری دید بہشتوں کی دید سے افضل
کہ ایسی ذاتِ مبیں، سیدی ﷺ نہیں ہے کہیں
تم ہی ہو اوّل و آخر، زمانے بھر میں ترا
کوئی جواب نہیں، سیدی ﷺ نہیں ہے کہیں
نیاز و عجز کا پیکر تمہاری ذات عُلا
کہ تم سا خاک نشیں، سیدی ﷺ نہیں ہے کہیں
بہشت، واسطے زینب کے روضۂ اطہر
یہ سر فراز زمیں، سیدی نہیں ہے کہیں