چشمِ حیراں میں جلوے سمیٹے لوگ محفل سجانے لگے ہیں (علی احمد فاطمی )

نعت کائنات سے
نظرثانی بتاریخ 08:33، 31 مارچ 2018ء از سید عرفان عرفی (تبادلۂ خیال | شراکتیں) (←‏{{نعت }})
(فرق) → پرانا نسخہ | تازہ ترین نسخہ (فرق) | تازہ نسخہ ← (فرق)
Jump to navigationJump to search

دبستان نعت ۔ شمارہ نمبر 2


شاعر : علی احمد فاطمی

مطبوعہ : دبستان نعت ۔ شمارہ نمبر 2

نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

چشمِ حیراں میں جلوے سمیٹے لوگ محفل سجانے لگے ہیں

آمدِ مصطفی کا ہے موسم، سارے منظر سہانے لگے ہیں


دل ابھی سے ہے ان کا منور سر ابھی سے جھکانے لگے ہیں

جن کا جن کا بُلاوا ہے آیا، وہ مدینے کو جانے لگے ہیں


ماہِ اول ربیع صبح صادق، روز دوشنبہ، تاریخ بارہ

ہر طرف ہے درودوں کی خوشبو، برکتوں کے خزانے لگے ہیں


فرش سے عرش تک کا سفر تھا، میرے آقا کا یہ معجزہ تھا

ایک لمحہ کا تھا کارنامہ، عقل سمجھی زمانے لگے ہیں


ساری دنیا تو گھوما ہوں آقا ہائے قسمت مدینہ نہ دیکھا

اب یہ سارے سفر بن کے طعنے دل پہ خنجر چلانے لگے ہیں


میرے آقا مدینے کے والی، نخلِ رحمت کے پھولوں کی ڈالی

مجھ کو قدموں پہ اپنے بلالیں حوصلے ڈگمگانے لگے ہیں


فاطمیؔ جا کے دیکھو مدینہ، نور ہی نور تم کو دکھے گا

سبز گنبد کے سائے میں جاکر لوگ جنت بھلانے لگے ہیں


اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔Email.png Phone.pngWhatsapp.jpg Facebook message.png

Youtube channel click.png


گذشتہ ماہ زیادہ پڑھے جانے والے موضوعات


"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659


زیادہ پڑھے جانے والے کلام