میں فنا اندر فنا ہوں تو بقا اندر بقا ۔ عبد العزیز خالد

شاعر: عبد العزیز خالد

نعتِ رسولِ آخر صلی اللہ علیہ وآلہ وسلم

میں فنا اندر فنا ہوں تُو بقا اندر بقا

میں دغا اندر دغا ہوں تُو وفا اندر وفا

تُو شہادت در شہادت میں گماں اندر گماں

تُو یقیں اندر یقیں میں وسوسہ در وسوسہ

تُو سلامت در سلامت میں فریب اندر فریب

میں شکایت در شکایت تُو رضا اندر رضا

تُو تجلی در تجلی میں خسوف اندر خسوف

میں سیاہی در سیاہی تُو ضیا اندر ضیا

میں غیاب اندر غیاب و تُو ظہور اندر ظہور

تُو حضوری در حضوری میں غطا اندر غطا

میں تقاضا در تقاضا تُو شکیب اندر شکیب

میں تمنّا در تمنّا تُو غِنا اندر غِنا

میں جہالت در جہالت تُو شعور اندر شعور

تُو بصیرت در بصیرت میں عَمٰی اندر عَمٰی

تُو حقیقت در حقیقت میں مجاز اندر مجاز

میں ضلالت در ضلالت تُو ہُدٰی اندر ہُدٰی

میں فساد اندر فساد و تُو اماں اندر اماں

میں عداوت در عداوت تُو وِلا اندر وِلا

تولُو مَحبت در مَحبت میں ہوَس اندر ہوَس

میں نمائش در نمائش تُو حیا اندر حیا

تُو منافع در منافع میں زیاں اندر زیاں

میں سفاہت در سفاہت تُو ذکا اندر ذکا

میں عقوبت در عقوبت تُو نعیم اندر نعیم

میں کدورت در کدورت تُو صفا اندر صفا

تولُو عزیمت در عزیمت میں شکست اندر شکست

میں شقاوت در شقاوت تو شفا اندر شفا

میں خزاں اندر خزاں و تو بہار اندر بہار

میں سموم اندر سموم و تُو صبا اندر صبا

میں زوال اندر زوال و تُو کمال اندر کمال

تُو اصابت در اصابت میں خطا اندر خطا

میں گدائی در گدائی تُو عطا اندر عطا

میں بخیلی در بخیلی تُو سخا اندر سخا

تُو مقرّب، تُو مفضّل، تُو مخصّص تُو مُبیں

میں پراگندہ، میں راندہ، بے نوا، بے آسرا

تُو ہے سلطانِ سلاطیں میں فقیروں کا فقیر

تُو سرافرازِ مقامِ عَبدہُ، میں خاکِ پا

ہے تہی طَس، طٰہٰ، کھیعص

مجھ پہ یہ ازراہِ علمِ مِن لّدُن القا ہوا

پیشکش

ابو المیزاب اویس

مزید دیکھیے

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ

نئے اضافہ شدہ کلام

ان کے الطاف کے بعد، ان کی عطا سے پہلے - احمد جاوید ہے چہرہ چاند تو ساری شخصیت چاندنی، آہا - نعیم صدیقی شکستہ راستوں کو راستی کا حکم ملے ۔ اکرام اللہ اعظم میں نے عُمرے پہ جاتے ہووں سے کہا، ایک دربار ہے ہر کوئی ان کو چہرہ ء قرآن کہہ رہا ہے نعت کیا ہے - نمرہ گل خان ترے خیال کو دل میں بسا کے لایا ہوں ۔ عارف عبد المتین روضہ ہے مرے سامنے گھر بھول گیا ہوں ۔ اسلم فیضی جو مقدس ہے زمانے میں مگر دیکھا ہے ۔ حافظ لدھیانوی دیکھتے جلوہ سرکار کو آتے جاتے ۔ کفایت اللہ کافی

قلم نے لوح پر نام محمد جب لکھا ہو گا۔ غلام سرور لاہوری تمنا آرزو حسرت مری آنکھوں میں رہتی ہے۔ ظہیر قدسی نامِ شاہِ امم دل سے لف ہو گیا ۔ اشفاق احمد غوری آنکھیں سجود میں ہیں تو دِل کا قیام ہے ۔ اختر شمار رضی الدین رضی کی مکالماتی نعت شہرطیبہ کے دروبام سے باندھے ہوئے رکھ ۔ قمر رضا شہزاد طیبہ کی اُس ریت پہ پھولوں کے مسکن قربان ۔ نجم الاصغر شاہیا خاک جب اس پیکر نوری کا مدفن ہو گئی ۔ عاصی کرنالی کہاں میں کہاں مدح ِ ذات ِ گرامی ۔ ماہر القادری سوال: عبد کی معبود تک رسائی ہے ۔ حزیں صدیقی