مرے آقا کی مسجد کے منارے داد دیتے ہیں ۔ یاور وارثی

شاعر : یاور وارثی

نعتِ رسولِ آخر صلی اللہ علیہ وآلہ وسلم

مرے آقا کی مسجد کے منارے داد دیتے ہیں

کبوتر نعت پڑھتے ہیں نظارے داد دیتے ہیں

میں پانی پر جو انگلی سے نبی کا نام لکھتا ہوں

مچل کر مجھ کو دریا کے کنارے داد دیتے ہیں

یہ کس نے لحن داؤدی میں چھیڑی نعت آقا کی

ہوائیں رقص میں ہیں چاند تارے داد دیتے ہیں

نبی کا ذکر کرنے کا مزا ہی اور ہوتا ہے

علی و فاطمہ کے جب دلارے داد دیتے ہیں

سلیقے سے جو شاعر مدحت سرکار میں برتے

دعائیں دیں کنائے ، استعارے داد دیتے ہیں

نبی کے ذکر کی محفل سجاتا ہوں تصور میں

برس کر دشت دل پر ابر پارے داد دیتے ہیں

نبی کی رحمتوں کا ذکر جب ہوتا ہے محفل میں

یتیم و بیکس و نادار سارے داد دیتے ہیں

رسول پاک جب ذکر خدا کرتے ہیں اے یاور

کلام پاک کے جتنے ییں پارے داد دیتے ہیں

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی