محمد علی ظہوری

نعت کائنات سے
Jump to navigationJump to search


مشہور کلام


بجز رحمت نہیں کوئی سہارا یا رسول اللہﷺ

بجز رحمت کوئی سہارا یا رسول اللہﷺ

کرم کی بھیک پہ میرا گذارا یا رسول اللہﷺ


عجب تاثیر نام پاک میں رکھی ہے قدرت نے

زمانہ جھوم اٹھا جب بھی پکارا یا رسول اللہﷺ


اسے باغ ارم کی آرزو باقی نہیں رہتی

جو کر لے تیرے روضے کا نظارہ یا رسول اللہﷺ


ادھر ہو پیکر عصیاں ادھر ہو رحمت عالم

بھلا پھر ضبط کا کیسے ہو یارا یا رسول اللہﷺ


مجھے معلوم ہے اپنے عمل کی تنگ دامانی

فقط اک نام ہے لب پہ تمہہارا یا رسول اللہﷺ


ظہوری کو بھی تیرے نام لیواوں سے نسبت ہے

رہے نہ منتظر قسمت کا مارا یا رسول اللہﷺ

جب مسجد نبویﷺ کے مینار نظر آئے

جب مسجد نبویﷺ کے مینار نظر آئے

اللہ کی رحت کے آثار نظر آئے


منظر ہو بیاں کیسے ، الفاظ نہیں ملتے

جس وقت محمدﷺ کا دربار نظر آئے


بس یاد رہا اتنا سینے سے لگی جالی

پھر یاد نہیں کیا کیا انوار نظر آئے


دکھ درد کے ماروں کو غم یاد نہیں رہتے

جب سامنے آنکھوں کے غم خوار نظر آئے


مکے کی فضاوں میں، طیبہ کی ہواوں میں

ہم نے تو جدھر دیکھا سرکارﷺ نظر آئے


چھوڑ آیا ظہوری میں دل و جان مدینے میں

اب جینا یہاں مجھ کو دشوار نظر آئے

دلدار بڑے آئے محبوب بڑے دیکھے

دلدار بڑے آئے محبوب بڑے دیکھے

جو دیکھے سبھی ان کے قدموں میں پڑے دیکھے


سردار دو عالم کی تعظیم کے کیا کہنے

مرسل بھی سبھی جن کی راہوں میں کھڑے دیکھے


یاد ان کے مدینے کی جب دل میں اتر آئی

پلکوں کے کناروں پہ موتی سے جڑے دیکھے


محبوب کی مدحت میں ہے تاب سخن کس کو

سب اہل سخن میں نے حیرت میں گڑھے دیکھے


ان جیسا ظہوری اب آئے گا نہ دنیا میں

دلدار بڑے آئے محبوب بڑے دیکھے


محمد علی ظہوریکی آواز میں

http://tune.pk/video/3295641/urdu-punjabi-naat-dildar-bare-ayep-1muhammad-ali-zahoori-r-a

زمانے بھر کے ٹھکرائے ہوئے ہیں

زمانے بھر کے ٹھکرائے ہوئے ہیں

شہا در پہ تیرے آئے ہوئے ہیں


کرم کی بھیک ہے سب کی تمنا

سوالی ہاتھ پھیلائے ہوئے ہیں


عمل کا کوئی سرمایہ نہیں ہے

جھکی نظریں ہیں، شرمائے ہوئے ہیں


ندامت سے لرزتے چند آنسو

یہ نذ رانہ ہے جو لائے ہوئے ہیں


انہی کا ہوگیا سارا زمانہ

جنہیں سرکار اپنائے ہوئے ہیں


کھلے ہوں پھول جب اشکوں کے ہر سو

سمجھ لیجئے کہ آپ آئے ہوئے ہیں


ظہوری وہ سخن کی داد دیں گے

جگر پر چوٹ جو کھائے ہوئے ہیں

مزید دیکھیے

اقبال عظیم | بیدم شاہ وارثی | حفیظ جالندھری | خالد محمود خالد | ریاض الدین سہروردی | عبدالستار نیازی | کوثر بریلوی | نصیر الدین نصیر | منور بدایونی | مصطفیٰ رضا نوری | محمد علی ظہوری | محمد بخش مسلم | محمد الیاس قادری | صبیح رحمانی | قاسم جہانگیری | یوسف قدیری | قمر انجم | سید ناصر چشتی | صائم چشتی | وقار احمد صدیقی | شکیل بدایونی | ساغر صدیقی | حامد لکھنوی | حبیب پینٹر

شراکتیں

صارف:تیمورصدیقی