عشق رسول دل میں بسانا بھی نعت ہے ۔ سلیمان خمار

شاعر : سلیمان خمار

نعتِ رسولِ آخر صلی اللہ علیہ وآلہ وسلم

عشقِ رسول دل میں بسانا بھی نعت ہے

اوصافِ مصطفٰی کا سنانا بھی نعت ہے

طیبہ کی بچیوں کا شہِ دیں کی شان میں

رستوں پہ آ کے دف کا بجانا بھی نعت ہے

میدانِ کربلا میں پےء حُرمتِ رسول

ابنِ علی کا سر کو کٹانا بھی نعت ہے

عشقِ نبی میں ڈوب کے حضرت اویس کا

دندان کا دہن سے گرانا بھی نعت ہے

سرکارِ دوجہاں کے لئے غارِ ثور پر

مکڑی کا آ کے جالا بنانا بھی نعت ہے

سر دارِ انبیاء کی ولادت پہ منہ کے بل

سارے بتوں کا خود کو گرانا بھی نعت ہے

حکمِ رسولِ پاک کی تعمیل میں خُمار

سورج کا پھر سے لوٹ کے آنا بھی نعت ہے

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی