شاہ طیبہ کا ثنا گر ہے زمانہ سارا ۔ انور مسعود

نعت کائنات سے
Jump to navigationJump to search


شاعر: انور مسعود

مطبوعہ : نعت رنگ ۔ شمارہ نمبر 27

نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

شاہِ طیبہ کا ثنا گر ہے زمانہ سارا

محوِ توصیفِ پیمبر ہے زمانہ سارا


بے تجلی نہیں اُس نور سے لمحہ کوئی

اسمِ احمد سے منور ہے زمانہ سارا


کیا حسیں پھول کھلا شاخِ بنی ہاشم پر

جس کی خوشبو سے معطر ہے زمانہ سارا


کس طرح اُس نے زمانے کو بدل ڈالاتھا

اُس زمانے پہ تو ششدر ہے زمانہ سارا


وہی آقا ،وہی سرور ہے زمانے بھر کا

اُسی مخدوم کا چاکر ہے زمانہ سارا


کیا ابد گیر ہے رُت اُس کی محبت والی

جس کے لمحے سے بھی کمتر ہے زمانہ سارا


ذاتِ پاک اُس کی ہے انورؔ ! وہ محیطِ اعظم

جس کی پہنائی کے اندر ہے زمانہ سارا


مزید دیکھیے[ترمیم | ماخذ میں ترمیم کریں]

زیادہ پڑھے جانے والے کلام