زندگی شاد کیا کرتی ہے ۔ عرش ہاشمی
نعت کائنات سے
Jump to navigationJump to search
شاعر: عرش ہاشمی
نعت رسول کریم صلی اللہ علیہ وسلم
زندگی شاد کیا کرتی ہے
جب انہیں یاد کیا کرتی ہے
کیسے جگمگ مرے سارے درو بام
عیدِ میلاد کیا کرتی ہے
ان کے ناعت کی سدا رحمتِ رب
آپ امداد کیا کرتی ہے
اپنے آباء کی طرح مدحِ نبی
میری اولاد کیا کرتی ہے
ہو جو ویران تو پھر خانہء دل
نعت آباد کیا کرتی ہے
یادِ سرکارِ دو عالم کی گرفت
غم سے آزاد کیا کرتی ہے
آ پ کے حکم پہ فکرِ صائب
بے دھڑک صاد کیا کرتی ہے
آپ کا فقر و غنیٰ یہ دنیا
آج بھی یاد کیا کرتی ہے
ہر ڈگر عرشؔ اطاعت کے سوا
وقت برباد کیا کرتی ہے