زمین پر جو ترے آستاں کا حصّہ ہے ۔ صفدر صدیق رضی

شاعر: صفدر صدیق رضی

نعت رسول کریم صلی اللہ علیہ وسلم

زمین پر جو ترے آستاں کا حصّہ ہے

زمیں کا حصّہ نہیں ، آسماں کا حصّہ ہے

زمیں کو تیری سعادت ، فلک کو تجھ سے شرف

کہ تیرا لُطف و کرم دو جہاں کا حصّہ ہے

کوئی بھی راہ سہی ، تیری پیروی میں تو ہے

ہر اک مسافر اسی کارواں کا حصّہ ہے

ترے نقوشِ قدم سے جو سرفراز ہوئی

وہ مُشتِ خاک مرے جسم و جاں کا حصّہ ہے

جزا کااہل نہیں ہوں سزا کی تاب نہیں

مرا وجود کہیں درمیاں کا حصّہ ہے

رسائل و جرائد جن میں یہ کلام شائع ہوا

نعت رنگ ۔شمارہ نمبر 25