راستے جو بھی مدینے کی طرف جاتے ہیں ۔ عبدالغفار واجد

شاعر: عبدالغفار واجد

نعتِ رسولِ آخر صلی اللہ علیہ وآلہ وسلم

راستے جو بھی مدینے کی طرف جاتے ہیں

وہ سبھی خلد کے زینے کی طرف جاتے ہیں

خوشبوئیں جب بھی گلابوں کی ذرا مدہم ہوں

پھر گلاب ان کے پسینے کی طرف جاتے ہیں

نور لینے کیلئیے چاند ستارے خورشید

سب اسی نور نگینے کی طرف جاتے ہیں

دیکھو کب محفلِ نعت ان کا بلاوا لائے

دیکھو کب نعت شبینے کی طرف جاتے ہیں

لِلہ الحمد کے یاد آتی ہے سنت ان کی

ہاتھ جب کھانے یا پینے کی طرف جاتے ہیں

زیست کی راہ میں واجد وہ بھٹکتے ہی نہیں

جو قدم ان کے قرینے کی طرف جاتے ہیں

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی