راحت اندوری
|
اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔ |
نعتیہ شاعری[ترمیم | ماخذ میں ترمیم کریں]
اگر نصیب قریبِ درِ نبی ہو جائے
مِری حیات مِری عُمر سے بڑی ہو جائے
اندھیرے پائوں نہ پھیلا سکیں زمانے میں
درود پڑھیے کہ ہر سمت روشنی ہو جائے
گزرتا کیسے ہے ایک ایک پل مدینے میں
اگر سنانے پہ آئوں تو اِک صدی ہو جائے
درِ حبیب سے ہر بار واپسی کے وقت
دُعا یہ مانگی کہ اک اور حاضری ہو جائے
بنامِ ساقیِ کوثر، بنامِ ختمِ رُسل
شرابِ عشق جو پی لے وہ جنتی ہو جائے
میں "میم" "ح" لکھوں پھر "میم" اور "دال" لکھوں
خدا کرے کہ یونہی ختم زندگی ہو جائے
مری حیات مری کائنات آنکھوں میں
وہ ذاتِ پاک وہ ذاتِ صفات آنکھوں میں
درِ حضور کو رکھتا ہوں پتلیوں کی طرح
یہ دیکھ یہ رہی میری نجات آنکھوں میں
کچھ دن سے مری سوچ کی گہرائی بڑھ گئی
کچھ دن سے مرے فکر کی اونچائی بڑھ گئی
نعلین جب سے آپ کے دیکھے ہیں خواب میں
محسوس ہو رہا ہے کہ بینائی بڑھ گئی
بند آنکھیں ہیں چار سو ہیں آپ
اس اجالے کی آبرو ہیں آپ
نعت پڑھتا ہوں اور لرزتا ہوں
ایسا لگتا ہے روبرو ہیں آپ
وفات[ترمیم | ماخذ میں ترمیم کریں]
2020 میں پھیلنے والے کرونا کی وبا ادب کے بہت سے روشن چراغوں کو گل کر گئی ۔ راحت اندوری بھی "کرونا" کا شکار ہوئے ۔ اسی کی وجہ سے دل کے دو دورے پڑے اور وہ جانبر نہ ہوسکے ۔ راحت اندوری 11 اگست 2020 کو ستر سال کی عمر میں ہمیشہ کے لیے خاموش ہوگئے ۔
