دل ٹھکانہ مرے حضور کا ہے ۔ خالد محمود خالد

شاعر : خالد محمود خالد

نعتِ رسولِ آخر صلی اللہ علیہ وآلہ وسلم

دل ٹھکانہ میرے حضور کا ہے

یہ جلوہ خانہ میرے حضور کا ہے

ایک پل میں ہزاروں عالم میں

آنا جانا میرے حضور کا ہے

نعمتیں سب وہی کھلاتے ہیں

دانہ دانہ میرے حضور کا ہے

مجھ سا عاصی کہاں مدینہ کہاں

یہ بلانا میرے حضور کا ہے

روز محشر جو بخشواۓ گا

وہ بہانا میرے حضور کا ہے

حشر میں انکے ساتھ اٹھے گا

جو دیوانہ میرے حضور کا ہے

جن پہ اتری ہے آیہ تطہیر

وہ گھرانہ میرے حضور کا ہے

ذکر شامل نماز میں خالد

پنجگانہ میرے حضور کا ہے

نعت خوانوں میں کلام کی پذیرائی

| ہوریہ فہیم کی آواز میں

مزید دیکھیے

خالد محمود خالد