خوشبو ہے دو عالم میں تری اے گل چیدہ ۔ حفیظ تائب

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

Naat kainaat hafeez taib.jpg

مرکزی صفحہ
اردو شاعری
احباب کی نظر میں
"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659
"نعت کائنات"پر موقر ادبی جریدوں کو آن لائن کیا جا رہا ہے ۔اپنے رسالے / جریدے کو آن لائن کرنے کے لیے رابطہ کیجئے ۔ دبستان نعت ۔ انڈیا کا تازہ شمارہ آن لائن پڑھیے ۔

نعتِ رسولِ کریم صلی اللہ علیہ وآلہ وسلم[ترمیم]

خوشبو ہے دو عالم میں تری اے گل چیدہ

کس منہ سے بیاں ہوں ترے اوصاف حمیدہ


سیرت ہے تری جوہر آیئنہ تہذیب

روشن ترے جلووں سے جہان دل و دیدہ


تو روح زمن ، رنگ چمن، ابر بہاراں

تو حسن سخن، شان ادب، جان قصیدہ


تجھ سا کوئی آیا ہے نہ آئے گا جہاں میں

دیتا ہے گواہی یہی عالم کا جریدہ


مضمر تری تقلید میں عالم کی بھلائی

میرا یہی ایماں ہے، یہی میرا عقیدہ


اے ہادی برحق تری ہر بات ہے سچی

دیدہ سے بھی بڑھ کر ہے ترے لب سے شنیدہ


اے رحمت عالم تری یادون کی بدولت

کس درجہ سکوں میں ہے مرا قلب تپیدہ


ہے طالب الطاف مرا حال پریشان

محتاج عنایت ہے مرا رنگ پریدہ


خیرات مجھے اپنی محبت کی عطا کر

آیا ہوں ترے در پہ بہ دامان دریدہ


یوں دور ہوں تائب میں حریم نبوی سے

صحرا میں ہو جس طرح کوئی شاخ بریدہ

نعت کائنات پر نئے صفحات
اس ماہ کی اہم شخصیات

مزید دیکھیے[ترمیم]

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659
"نعت کائنات"پر موقر ادبی جریدوں کو آن لائن کیا جا رہا ہے ۔اپنے رسالے / جریدے کو آن لائن کرنے کے لیے رابطہ کیجئے ۔ دبستان نعت ۔ انڈیا کا تازہ شمارہ آن لائن پڑھیے ۔
"نعت کائنات : اس طرح کے بے شمار اہم صفحات کا زخیرہ ہے ۔ اگر آپ حمد و نعت کے حوالے سے کوئی سرگرمی کر رہے ہیں تو ہمیں ضرور مطلع کریں ۔ مزید اہم صفحات دیکھیے
اس ہفتے زیادہ پڑھے جانے والے کلام