خلق کے سرور شافع محشر صلی اللہ علیہ و سلم ۔ امیر مینائی
نعت کائنات سے
نظرثانی بتاریخ 15:57، 1 اکتوبر 2017ء از 182.185.224.52 (تبادلۂ خیال)
شاعر: امیر مینائی
نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]
خلق کے سرور شافع محشر صلی اللہ علیہ و سلم
مرسل دادر خاص پیمبر صلی اللہ علیہ و سلم
نورِ مجسم ،نیرِ اعظم سرور عالم مونس آدم
نوح کے ہمدم، خضر کے رہبر صلی اللہ علیہ و سلم
بحرِ سخاوت ،کانِ مروت ،آیہؔ رحمت، شافعِ اُمت
مالکِ جنت، قاسمِ کوثر صلی اللہ علیہ و سلم
رہبرِ موسیٰ، ہادیؔ عیسیٰ، تارکِ دنیا ، مالک عقبیٰ
ہاتھ کا تکیہ، خاک کا بستر صلی اللہ علیہ و سلم
سردِ خراماں، چہرہ گلستان، جبہ تاباں، مہر درخشاں
سنبل پیچاں، زلف معنبر صلی اللہ علیہ و سلم
قبلہ عالم، کعبہؔ اعظم، سب سے مقدم، راز سے محرم
جانِ مجسم، روحِ مصور صلی اللہ علیہ و سلم
مہر سے مملو ریشہ ریشہ، نعت امیر اپنا ہے پیشہ
ورد ہمیشہ دن بھر شب بھر صلی اللہ علیہ و سلم