تھے عالی مرتبہ سب انبیاء اوَّل سے آخر تک ۔ صبیح رحمانی

نعت کائنات سے
نظرثانی بتاریخ 09:06، 25 مارچ 2017ء از تیمورصدیقی (تبادلۂ خیال | شراکتیں) (نیا صفحہ: {{بسم اللہ}} شاعر: صبیح رحمانی === نعت رسول کریم صلی اللہ علیہ وسلم === تھے عالی مرتبہ سب انبیاء او...)
(فرق) → پرانا نسخہ | تازہ ترین نسخہ (فرق) | تازہ نسخہ ← (فرق)
Jump to navigationJump to search


شاعر: صبیح رحمانی

نعت رسول کریم صلی اللہ علیہ وسلم[ترمیم | ماخذ میں ترمیم کریں]

تھے عالی مرتبہ سب انبیاء اوَّل سے آخر تک

مگر سرکارسا کوئی نہ تھااوَّل سے آخر تک


نکل آئیں گے حل سب مسئلوں کے چند لمحوں میں

حیاتِ مصطفےٰ کو سوچنا اوَّل سے آخر تک


اتارے جسم و جاں پر سارے موسم شادمانی کے

بدل دی شہر ہستی کی فضااوَّل سے آخر تک


جنہیں اُمّی لقب کہہ کر زمانہ یاد کرتا ہے!

وہی ہیں حاملِ علمِ خدا اوَّل سے آخر تک


فرشتوں نے مری لوحِ عمل پر روشنی رکھ دی

ثناء خوانِ محمد لکھ دیااوَّل سے آخر تک


ملی ہے کاسہء فن کو مرے خیرات طیبہ سے

مِرا دیوان ہے ان کی عطا اوَّل سے آخر تک


بہارِ نعت سے باغِ سخن لہکا صبیح ؔ ایسا

ترو تازہ رہی فصلِ نوااوَّل سے آخر تک


رسائل و جرائد جن میں یہ کلام شائع ہوا[ترمیم | ماخذ میں ترمیم کریں]

نعت رنگ ۔شمارہ نمبر 25