ایہہ کون آیا جدھے آیاں بہاراں مسکرا پیاں ۔ محمد علی ظہوری

نعت کائنات سے
Jump to navigationJump to search

Naat Kainaat Muhammad Ali Zahoori Kasuri.jpg

مرکزی صفحہ
اردو نعتیں
پنجابی نعتیں

نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

ایہہ کون آیا جدِھے آیاں بہاراں مسکرا پیّاں

کھِڑے نیں پُھل تے کلیاں ہزاراں مُسکرا پیّاں


بڑی خوش بخت سی ڈاچی سواری کملیﷺ والے دی

حلیمہؓ ہتھ جَد پھڑیاں مُہاراں مُسکرا پیّاں


ہمیشہ جیہڑیاں محروم سن قُربت دی لذّت توں

قدم رکھیا نبیﷺ سوہنے تے غاراں مُسکرا پیّاں


کھڑے سن منتظر سارے نبیؐ اقصےٰ دی مسجد وِچ

امام انبیا آئے قطاراں مُسکرا پیّاں


پچھاں جبریل سِدرہ تے کھڑا حیران ہوندا سی

اگانہہ لنگھیا نبیؐ تے رہگذراں مُسکرا پیّاں


ظہوری بیکساں نے شُکر دے سجدے ادا کیتے

ازل توں غمزدہ سوچاں وچاراں مُسکرا پیّاں