اگر کوئی اپنا بھلا چاہتا ہے ۔ سعید ہاشمی

شاعر: سعید ہاشمی

نعتِ رسولِ آخر صلی اللہ علیہ وآلہ وسلم

اگر کوئی اپنا بھلا چاہتا ہے

اسے چاہے جس کو خدا چاہتا ہے

درود ان بھیجو سلام ان پہ بھیجو

یہی مومنوں سے خدا چاہتا ہے

خدا کی رضا مصطفیٰ چاہتے ہیں

خدا مصطفیٰ کی رضا چاہتا ہے

فقیروں کے ملجا یہ منگتا تمہارا

مدینے میں تھوڑی سی جا چاہتا ہے

بنالیں مجھے اپنا مہمان آقا

یہ ہر ایک شاہ و گدا چاہتا ہے

کرے قرب حاصل حبیب خدا کا

جو انسان قریب خدا چاہتا ہے

ثناء خواں بنایا ثیاء گو بنایا

سعید ان سے تو اور کیا چاہتا ہے