امید فاضلی

نعت کائنات سے
Jump to navigationJump to search


Umeed.jpg


اردو کے ممتاز شاعر امید فاضلی کا اصل نام ارشاد احمد تھا اور وہ 17 نومبر 1923ء کو ڈبائی ضلع بلند شہر میں پیدا ہوئے تھے۔ ابتدائی تعلیم ڈبائی اور میرٹھ سے ہی پانے کے بعدعلی گڑھ مسلم یونیورسٹی سے گریجویشن کیا۔ ملازمت کا آغاز 1944ء میں کنٹرولر آف ملٹری اکائونٹس کے محکمے سے کیا اور قیام پاکستان کے بعد کراچی میں بھی اسی اسی محکمے سے وابستہ رہے۔ امید فاضلی اردو کے اہم غزل گو اور اہم مرثیہ گو شعرا میں شمار ہوتے تھے۔ ابتدا میں وہ امید ڈبائیوی کےنام سے شاعری کی بعد ازاں امید فاضلی کے نامِ نامی سے شہرت پائی ۔


تصانیف

میرے آقا- نعتوں کا مجموعہ

دریا آخر دریا - غزلیات کا پہلا مجموعہ

سر نینوا - مرثیوں کا مجموعہ

مناقب - منقبتوں کا مجموعہ

پاکستان زندہ باد - قومی شاعری کا مجموعہ

تب و تاب جاودانہ - قومی شاعری کا مجموعہ

نعت گوئی

امید فاضلی نے نعت گوئی بھی اپنا منفرد اور پر اثر اسلوب قائم رکھا ہے ۔

انﷺ کی مدحت کو قلم تحریر کر سکتا نہیں

انﷺ کی مدحت کو قلم تحریر کر سکتا نہیں

حرفِ موجِ نور کو زنجیر کر سکتا نہیں


جس کا مسلک پیرویٔ اسوۂ سرکار ﷺہے

کوئی اس انسان کو تسخیر کر سکتا نہیں


ذہن و دل کا مرکز ومحور نہ ہو جب تک وہ ذات

کوئی اپنی ذات کی تعمیر کر سکتا نہیں


لا سے الا اللہ تک گر مصطفی ﷺ رہبر نہ ہوں

منزلوں کا فیصلہ راہ گیر کر سکتا نہیں


آپ ﷺہی سے زندگی نے پائے ہیں ایسے چراغ

کوئی جھونکا جن کو بے تنویر کر سکتا نہیں


معرفت اسمِ محمد ﷺ کی نہ ہو جب تک امید

آدمی قرآن کی تفسیر کر سکتا نہیں


وفات

28 اور29 ستمبر 2005ء کی درمیانی شب اردو کے ممتاز شاعر امید فاضلی کراچی میں وفات پاگئے۔ کراچی میں سخی حسن کے قبرستان میں آسودۂ خاک ہیں۔

بیرونی روابط

ان کی نعت گوئی سے متعلق اے ، آر ، وائی چینل پر خوشبوئے حسان کے عنوان سے بھی باقاعدہ پروگرام پیش ہوئے ۔ اس کا ربط درج ذیل ہے ۔

حصہ اول: https://www.youtube.com/watch?v=6bq2uE1q3kc

حصہ دوم: https://www.youtube.com/watch?v=LhaOqTCoh0A

حصہ سوم: https://www.youtube.com/watch?v=ZpbAq6pbzJE

حصہ چہارم: https://www.youtube.com/watch?v=dc2ykFPrZvg

حصہ پنجم: https://www.youtube.com/watch?v=ZrRw1yiwim8

شراکتیں

یہ صفحہ صارف: ارم نقوی نے شروع کیا

حواشی و حوالہ جات