الہام جامہ ہے ترا ۔ مظفر وارثی

نعت کائنات سے
Jump to navigationJump to search


شاعر: مظفر وارثی


نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

یا رحمتہ اللعالمین

الہام جامہ ہے تیرا

قرآں عمامہ ہے تیرا

منبر تیرا عرشِ بریں

یا رحمتہ اللعالمین


آئینہءِ رحمت بدن

سانسیں چراغِ علم و فن

قربِ الٰہی تیرا گھر

الفقر و فخری تیرا دَھن

خوشبو تیری جوئے کرم

آنکھیں تیری بابِ حرم

نُورِ ازل تیری جبیں

یا رحمتہ اللعالمین


تیری خموشی بھی اذاں

نیندیں بھی تیری رتجگے

تیری حیاتِ پاک کا

ہر لمحہ پیغمبر لگے

خیرالبشر رُتبہ تیرا

آوازِ حق خطبہ تیرا

آفاق تیرے سامعیں

یا رحمتہ اللعالمین


قبضہ تیری پرچھائیں کا

بینائی پر ادراک پر

پیروں کی جنبش خاک پر

اور آہٹیں افلاک پر

گردِ سفر تاروں کی ضَو

مرکب بُراقِ تیز رَو

سائیس جبرئیلِ امیں

یا رحمتہ اللعالمین


تو آفتابِ غار بھی

تو پرچم ِ یلغار بھی

عجز و وفا بھی ، پیار بھی

شہ زور بھی سالار بھی

تیری زرہ فتح و ظفر

صدق و صفا تیری سپر

تیغ و تبر صبر و یقیں

یا رحمتہ اللعالمین


پھر گُدڑیوں کو لعل دے

جاں پتھروں میں ڈال دے

حاوی ہوں مستقبل پہ ہم

ماضی سا ہم کو حال دے

دعویٰ ہے تیری چاہ کا

اس اُمتِ گُم راہ کا

تیرے سوا کوئی نہیں

یا رحمتہ اللعالمین​


نعت خوانوں کی آواز میں پذیرائی[ترمیم | ماخذ میں ترمیم کریں]

| محمد خورشید احمد کی آواز میں

| خالد حسنین خالد کی آواز میں

| اویس رضا قادری کی آواز میں

شراکتیں[ترمیم | ماخذ میں ترمیم کریں]

ابو المیزاب اویس | تیمور صدیقی

مزید دیکھیں[ترمیم | ماخذ میں ترمیم کریں]

کرامت علی شہید | احمد رضا خان بریویلوی | محسن کاکوروی | مولانا حسن رضا خان | امیر مینائی | حفیظ تائب | حفیظ تائب | مظفر وارثی

میر تقی میر | مرزا غالب | میر انیس | داغ دہلوی | جگر مراد آبادی | ساغر صدیقی

سید منظور الکونین | محمد علی ظہوری | عبدالستار نیازی | قاری زبید رسول | صدیق اسماعیل | سعید ہاشمی | ام حبیبہ