ہوئی ہے رُوح مری جب سے آشنائے درود ۔ سلیم کوثر

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

شاعر: سلیم کوثر

نعت رسول کریم صلی اللہ علیہ وسلم[ترمیم]

ہوئی ہے رُوح مری جب سے آشنائے درود

لہو میں گونجتے رہتے ہیں نغمہ ہائے درودؐ

دروُدازل ہی سے موجود ہے پہ دنیا میں

حضورؐ آئے تو رکّھی گئی بنائے درود

کھلایہ منزلِ ہستی کا مجھ پہ رازِ نہاں

نجات کا کوئی رستہ نہیں سوائے دروُد

برہنہ لفظ لبوں سے کبھی ادانہ ہوئے

زباں نے پہنی ہے جب سے مری قبائے دروُد

پھراس کے بعد یہ سوچیں گے گفتگو کیاہو

جوآئے پہلے سُنے اور پھرسُنائے دروُد

ازل سے گونج رہی ہے سماعتوں میں اذاں

بنی بنائی ملی ہے ہمیں فضائے دروُد

وہی جو مالک ومختار ہے دوعالم کا

اسی کے نام سے ہوتی ہے ابتدائے دروُد

خدا کا شکر اداکیجیے کہ ہم کو سلیمؔ

بنامِ اسمِ محمدؐ ملی متاعِ دروُد


رسائل و جرائد جن میں یہ کلام شائع ہوا[ترمیم]

نعت رنگ ۔شمارہ نمبر 25