گر انساں دوست اب کوئی کہیں ہے ۔ انجم رومانی

شاعر: انجم رومانی

مطبوعہ : نعت رنگ ۔ شمارہ نمبر 27

نعتِ رسولِ آخر صلی اللہ علیہ وآلہ وسلم

گر انساں دوست اب کوئی کہیں ہے

وہ خرمن کا ترے ہی خوشہ چیں ہے

ترے ہی نقشِ پا پر چل رہا ہے

اگر صادق ہے کوئی یا امیں ہے

ترے ہی نور کا پر تو ہے اُس میں

اگر روشن کوئی لوحِ جبیں ہے

ترے حسنِ تکلم کا ہوں مرہوں

اگر کچھ بات میری دل نشیں ہے

تجھے سمجھیں تو آئے یہ سمجھ میں

کہ آدم ہی خدا کا جانشیں ہے

پیامِ آخری ، پیغام تیرا

کہ تیرا نور ، نورِ اوّلیں ہے

ہے مایوسی حرام اُس پر، جو انجمؔ !

غلامِ رحمۃً للعالمیں ہے

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی