کیا اللہ کو عاشق کہنا جائز ہے ؟

اللہ تعالیٰ کے لیے عاشق کا لفظ استعمال کیا جاسکتا ہے؟ ایک شاعر کا مصرع یوں ہے:

جب رب ذوالجلال ہے سرکار کا عاشق

قطع نظر اس کے کہ یہ مصرع ناموزوں ہے، کیا یہ شرعاً درست ہے؟

براہ کرم جواب عنایت فرمائیں

المستفتی: سید خادم رسول عینی

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

الجواب

محبت کی ایسی منزل جس میں جنون پیدا ہوجاءے اسے عشق اور جو اس کا شکار ہوجاءے اسے عاشق کہتے ہیں۔ایسے الفاظ جن میں معنیء محال کا وہم ہو ان کا استعمال ذات باری تعالیٰ کے لیے ممنوع ہے۔جیسا کہ ردالمختار میں ہے:

مجرد ایھام المعنی المحال کاف فی المنع

یعنی صرف معنیء محال کا وہم ممانعت کے لیے کافی ہے۔

اور جس میں ایہام‌محال نہیں بالکہ محال قطعی ہو تو پھر ایسے لفظ کا استعمال ذات حق جل شانہ کے لیے کیونکر جاءز ہوگا۔

سیدی اعلٰی حضرت قدس سرہ العزیز فتاویٰ رضویہ غیر مترجم کی نویں جلد میں باب الحظر والا باحۃ کے بیان میں رقم طراز ہیں:

اللہ تعالیٰ کے لیے لفظ عاشق کا استعمال ناجاءز ہے کہ معنیء عشق اللہ عزوجل کے حق میں محال قطعی ہے ۔ اور ایسا لفظ ورود ثبوت شرعی حضرت عزت کی شان میں بولنا ممنوع قطعی۔

اسی فتاویٰ رضویہ کی نویں جلد میں آپ نے کتاب الانوار لاعمال الابرار کے حوالے سے یہ عبارت بھی نقل فرماءی۔

لو قال انا اعشق اللہ اور یعشقنی فبتدع والعبارۃ الصحیحۃ ان یقول احبہ و یحبنی لقولہ تعالٰی یحبھم ویحبونہ

یعنی اگر کوءی شخص کہے میں اللہ سے عشق رکھتا ہوں اور وہ مجھ سے عشق رکھتا ہے تو وہ بدعتی ہے لہذا صحیح یہ ہے کہ یوں کہے:

میں اللہ سے محبت کرتا ہوں اور وہ مجھ سے محبت کرتا ہے

اللہ تعالیٰ کے ارشاد کی طرح اللہ ان سے محبت رکھتا ہے اور وہ لوگ اللہ سے محبت رکھتے ہیں ۔

لہذا جس شاعر نے اللہ تعالیٰ کے لیے لفظ عاشق کا استعمال کیا ہے اسے چاہیے کہ رب قدیر کی بارگاہ میں توبہ کرے اور آیندہ اس قسم کے الفاظ کے استعمال سے اجتناب و احتراز کو لازم سمجھے۔اگر اس قسم کا مفہوم شعر میں لانا ہو تو عاشق کی جگہ محب کا استعمال کیا جاسکتا ہے۔

واللہ اعلم

(مفتی) سید اولاد رسول قدسی

مزید دیکھیے

• نعت "در نبی پر پڑا رہوں گا" میں اللہ کو عاشق کہنا

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

حمد و نعت سے متعلق مختلف فتاوی
حمد و نعت کے متعلق فتاوی کی فہرست آج کل کی محفل نعت پر حکم کیا ٹی وی پر نعت سننا جائز ہے ؟ کیا اللہ کو عاشق کہنا جائز ہے ؟	نعت "در نبی پر پڑا رہوں گا" میں اللہ کو عاشق کہنا نعت خوانی اور اجرت کیا میوزک کے ساتھ نعت سننا جائز ہے ؟ قبلہ رو ہو کر سلام یا نعت پڑھنا	کیا دف کے ساتھ نعت پڑھنا جائز ہے ؟ نعت شریف پڑھنا صحابہ کی سنت نعت کی شرعی حیثیت کیا ہے جبکہ شرکیہ نہ ہو، اگر درس وغیرہ شروع کرنے سے قبل پڑھ لی جائے تو کوئی حرج ہے؟ کیا نعت خوانی قرآن حکیم کے اعتبار سے جائز ہے

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ