وہ شفیعنا وہ حبیبنا کہ جو ہیں نہایت جستجو ۔ جمیل الدین عالی

وہ شفیعنا وہ حبیبنا کہ جو ہیں نہایت جستجو

مجھے اپنے پاس بلالیا مجھے دی اجازت گفتگو

بلغ العلے بکمالہ یہ پڑھا انہی کے حضور میں

کشف الدجے بحمالہ یہ کہا ہے ان کے ہی روبرو

حسنت جمیع خصالہ یہی اک پیام قدم قدم

صلوا علیہ وآلہ یہی اک کلام ہے کوُ بہ کوُ

مرے ان گنت جو گناہ تھے وہ اسی یقین کے گواہ تھے

کہ جو نہی یہاں میں پہنچ گیا وہ عطائے عفو ہے موُ بہ موُ

نہ یہاں زماں ، نہ یہاں مکاں ، نہ کوئی تصور این وآں

کہ ہوائے عشق ہے ہر طرف کہ فضائے نور ہے چارسو

وہ ہزار خواہیش کل جو تھیں فقط اک دعا میں بدل گئیں

مراکام ہو تری جستجو ، مر انام ہو تری آرزو

فہرست رہنمائی