نعتیہ ادب، مسائل و مباحث پر خورشید احمد سعیدی کا تبصرہ

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

کتاب : نعتیہ ادب ۔ مسائل و مباحث ۔ ڈاکٹر ابرار عبدالسلام

تعارف : خورشید احمد سعیدی

نعتیہ ادب: مسائل و مباحث[ترمیم]

نعتیہ ادب: مسائل و مباحث کی خوبصورت کمپیوٹر کمپوزڈ ضخیم جلد 488 صفحات پر مشتمل ہے. اس میں مدیر "نعت رنگ" صبیح رحمانی کے نام موصولہ مکاتیب کا موضوعاتی و تجزیاتی مطالعہ پیش کیا گیا ہے. ڈاکٹر ابرار عبد السلام نے اس وقیع جلد کے مواد کی تہذیب وترتیب کا کام بہت ہی شاندار انداز میں کیا ہے۔ اس بہت ہی مفید کتاب کی پہلی اشاعت جمادی الثانی 1440ھ/ مارچ 2019ء میں ہوئی ۔

اس کے مشمولات کو درج ذیل عنوانات کے تحت پیش کیا گیا ہے:

جدید نعت نگاری: مسائل و مباحث (ص 9 - 12)[ترمیم]
2. نعت رنگ کے تنقیدی زاویے (ص 13 - 120)[ترمیم]
نعت: تعریف، تقاضے اور روایت (ص 121 - 159)[ترمیم]

اس باب میں موضوع کی 29 مختلف جوانب کو زیر بحث لایا گیا ہے.


نعتیہ ادب: تحقیق و تنقید (ص 160 - 271)[ترمیم]

اس عنوان کو دو حصوں یعنی تحقیق اور تنقید میں تقسیم کیا گیا ہے. تحقیق کے ذیلی عنوان کے 24 مختلف نکات پر جبکہ تنقید کے ذیلی عنوان کے تحت 8 نکات پر افکار و نظریات پیش کیے گئے ہیں.

نعت گوئی: اصلاح سخن کی چند نمایاں صورتیں (ص 272 - 367)[ترمیم]

اس موضوع کو بھی دو یعنی فنی اور فکری تناظرات میں پیش کیا گیا ہے. فنی تناظر میں چار نکات جبکہ فکری تناظر میں شعر نعت کے دو معائب پر کلام کیا گیا ہے.

کتابیات: نعت سے متعلق کتابوں کا تعارف (ص 368 - 358)[ترمیم]

اس عنوان کے تحت کتابیات سے متعلق 15 نکات پر بات کی گئی ہے.

شخصیات (ص 386 - 432)[ترمیم]

اس عنوان کے تحت نعت سے متعلق 24 ادبی شخصیات کے خصائص اوصاف پر بات کی گئی ہے.

متفرقات (ص 433 - 458)[ترمیم]

یہ عنوان نعت نگاری سے متعلق 22 نکات پر مشتمل ہے.

نعت رنگ: خطوط کے آئینے میں (ص 459 - 486)[ترمیم]

اس عنوان کے بھی 11 مختلف پہلوؤں پر گفتگو پیش کی گئی ہے.

تحقیقی مقالات اور تنقیدی ملاحظات کے ساتھ ساتھ فنی و فکری تناظرات کے ادب پاروں کو شامل یہ جلیل القدر جلد آقا علیہ الصلوۃ والسلام کے عشاق و محبین کی عقیدتوں، محبتوں، اور مخلص اذہان و قلوب کا اپنی نوعیت کا مثالی گلدستہ اور لائق اتباع اندازِ نذرانہ ہے ۔ اس میں ایک طرف اپنے ہم مزاج حضرات کے لیے فرحت و سرور اور روح افزائی کا سامان پایا جاتا ہے تو دوسری طرف نا واقفوں کے لیے کشش اور جاذبیت کی خوش کن تاثیر بھی موجود ہے.

تا اثر[ترمیم]

مجھے ایسا محسوس ہوتا ہے کہ نعت ریسرچ سنٹر کراچی کا علمی، دینی، فکری، اور تحقیقی کام اسی طریقے سے جاری رہا تو عنقریب اسلامیات، تصوف، سماجیات اور اردو ادب کے محققین، سکالرز اور طلبہ کو ایک انمول انسائیکلوپیڈیا میسر ہو گا.

اللہ کریم ان تمام رجال و نساء کو اپنی بے پایاں رحمتوں، برکتوں، عنایتوں اور سعادتوں کے خزانے نصیب فرمائے جنہوں نے کسی بھی لحاظ سے (نعتیہ ادب: مسائل و مباحث) کو منصہ شہود پر لانے میں وقت دیا اور بے لوث کردار ادا کیا.

میرے دوست، احباب، طلبہ اور اساتذہ سے گزارش ہے کہ اس (نعتیہ ادب: مسائل و مباحث) سے استفادہ کرنے میں تاخیر نہ کریں. جزاکم اللہ خیرا کثیرا فی الدنیا والآخرۃ.

آمین ربنا یا مجیب الدعوات

خورشید احمد سعیدی، شعبہ تقابل ادیان، کلیہ اصول الدین، انٹر نیشنل اسلامک یونیورسٹی، اسلام آباد

مزید دیکھیے[ترمیم]

اپنے تازہ کلام اس نمبر پر وٹس ایپ کریں 00923214435273

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔Email.png Phone.pngWhatsapp.jpg Facebook message.png

تازہ مطبوعات

اس سیکشن میں اپنے کتابیں متعارف کروانے کے لیے "نعت کائنات" کو دو کاپیاں بھیجیں

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659