مل گیا راستہ محمد کا ۔ ماجد الباقری

نعت کائنات سے
Jump to navigationJump to search


شاعر: ماجد الباقری

برائے : نعت رنگ ۔ شمارہ نمبر 26

نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

مل گیا راستہ محمد کا

جا بجا ہے خدا محمد کا


جسم کے تنگ و تار جنگل میں

جل رہا ہے دیا محمد کا


خود بخود اب پہنچ ہی جاتا ہے

دل سے دل تک پتا محمد کا


دیکھنے کو خدائے برتر کو

مل گیا آئنہ محمد کا


ہے ازل سے رہے گا اب قائم

تا ابد سلسلہ محمد کا


ایک ذرّے سے آسمانوں تک

نقش ہے جا بجا محمد کا


حرف آخر سے کم نہیں لوگو

اس جہاں میں کہا محمد کا


جو منافق نہیں ہیں اے ماجد

ان کو ہے آسرا محمد کا

مزید دیکھیے[ترمیم | ماخذ میں ترمیم کریں]

زیادہ پڑھے جانے والے کلام