مدینہ کی بہاروں سے سکون قلب ملتا ہے ۔ منیر قصوری

نعت کائنات سے
Jump to navigationJump to search

شاعر: منیر قصوری

نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

مدینہ کی بہاروں سے سکونِ قلب مِلتا ہے

اسی کے لالہ زاروں سے سکونِ قلب مِلتا ہے


وہ جن سے عازمینِ طیبہ روز وشب گزرتے ہیں

مجھے ان رہگذاروں سے سکونِ قلب مِلتا ہے


جو مجھ کو سرورِ کونین کی باتیں سناتے ہیں

مجھے ان میرے پیاروں سے سکونِ قلب مِلتا ہے


جہاں نامِ نبی پر جان دینے والے سوتے ہیں

مجھے ایسے مزاروں سے سکونِ قلب مِلتا ہے


وہ مکّہ ہو مدینہ ہو کہ شہرِ قدُس کی گلیاں

عقیدت کے دیاروں سے سکونِ قلب مِلتا ہے


جو صحراؤں سے اٹھ کر وادی رحمت کو جاتے ہیں

اُن اونٹوں کی قطاروں سے سکونِ قلب مِلتا ہے


منیر! اکثر میں تنہائی میں نعتیں گنگناتا ہوں

کہ مجھ کو ان سہاروں سے سکونِ قلب مِلتا ہے


مزید دیکھیے[ترمیم | ماخذ میں ترمیم کریں]

نئے اضافہ شدہ کلام
نئے صفحات

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔Email.png Phone.pngWhatsapp.jpg Facebook message.png

Youtube channel click.png
"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659